.jpg)
غزنی ایکینچیلریدن بیرقطاری، مذکور ولایتده سوو توغانلری قیته قوریلیشی خصوصیده، دولتنینگ دقتسیزلیگیدن شکایت قیلهدیلر.
اولرنینگ ایتیشیچه، مذکور ولایتنینگ اندر و خواجه عمری تومنلریدهگی سرده و سلطان سوو توغانلریدن 62 مینگدن آرتیق عایله فایدهلنهدی، بیراق حکومت، مذکور تومنلرنی قیته قوریشده هیچ قندهی دقت قیلمهیدی.
غزنی ایکینچیلریدن بیرقطارینینگ سلاموطندارگه ایتیشیچه، سلطان سوو توغانی کمیده 12 ییل آلدین طبیعی حادثهلر نتیجهسیده یاریلگن و حاضر یخشی بیر شکلده سوو سقلمهیدی، بیراق حاضرگچه دولت قیته قوریلیشی توغریسیده هیچ بیر ایش قیلمهگن.
ایکینچیلردن بیری سید حسیننینگ ایتیشیچه، سوو یوقلیگی سبب، چقور قودوق قازگن، بیراق ییرلریگه یخشی بیر شکلده سوو ییتکیزهآلمهیدی.
ایکینچیلردن باشقه بیری اجملنینگ ایتیشیچه، سلطان سوو توغانی یاریلگنیدن بویان ایکینچیلر سوو کملیگی قیینچیلیگیگه روپهره بولگنلر و قولگه کیریتگن درامدلری سووگه صرفلنهدی.
.jpg)
شونینگدیک، غزنی ایکینچیلیک ریاستی باشلیغی عبدالله تسلنینگ ایتیشیچه، سرده و سلطان سوو توغانلری اوشبو ولایت ایکینچیلرینینگ اقتصادی و ایکینزارلری رواجلنیشی اوچون اونملی دیر. اونینگ ایتیشیچه، مذکور توغانلر قیته قوریلگنده ایکینچیلرنینگ محصولاتی ایکی برابر کوپهییشی ممکن.
عین حالده، غزنی ولایتی توختهگن سوولر ادارهسی باشلیغی شفیق جهانیارنینگ ایتیشیچه، بوندن آلدین امنیتی قیینچیلیکلر سبب، ولایت سوو توغانلری قوریلمهگن، بیراق حاضر سرده توغانی 99 فایز فعال بولگن و شونینگدیک، سلطان توغانینینگ ایکینچی بولیمی قیته قوریلماقده.
غزنی ولایتی توختهگن سوولر ادارهسینینگ معلوماتیگه کوره، سلطان توغانی 15 هکتار ییرگه سوو بیرهدی و سرده توغانی 40 مینگ جریب ایکینزار ییرگه سوو بیرهدی.
