تخار ولایتیده اسلامی حزب سابق قومندانلریدن بیری بشیر قانت، چاهآب تومنیگه قیتگنیدن تورت کون اوتگنیدن سونگ، مذکور تومن یشاوچیلری ناراضیلیک نمایشگه قول اوریب و تخار حاکمی دفترینینگ اونگیده خیمه تیککنلر.
ناراضیلیک نمایش یولگه قویگنلر، حکومتدن بشیر قانتنینگ قولگه آلیب و محکمهگه تارتیشینی سورهگنلر. ناراضچیلرنینگ ایتیشیچه، قانت چاهآب گه کیلگن بیرچاغده محل یشاوچیلریدن نیچه کیشینی کلتکلگن و شو یوزهدن، یشاوچیلردن کوپینچهسی اوی و جایلرینی ترک قیلگنلر.
ناراضچیلرنینگ ایتیشیچه، بشیر قانت شو کونلرده قیتهدن بویروغیده بولگن کیشیلرنی اطرافیده توپلهگن، بیراق تخار حاکمی فضلالله مجددینینگ ایتیشیچه، ولایتگه قیتیشدن بشیر قانتنینگ مقصدی نیمه بولگنی حاضرگچه معلوم بولمهگن. جناب مجددی، موضوع یقیندن تیکشیریلیشی اوچون چاهآب تومنیگه هیأت یوبارگنیدن خبر بیرهدی.
تخار ولایتی نینگ قاره لاوچیلیگی، نیچه آی آلدین، بشیر قانت و اونگه همراه قتل و زورهوانلیککه عیبلنگن کیشیلر قولگه آلینیشی خصوصیده، حکم صادر قیلگن. لیکن حاضرگچه اولردن هیچ بیری قولگه آلینمهگن. نیچه وقت آلدین، بشیر قانت دولتی بیر هیأت آرقهلی کابلگه انتقال بیریلگن ایدی.
