لوگر ولایتینینگ خروار، ازره، برهکیبرک و خوشی تومنلرینینگ خلقی قضایی قیینچیلیکلرینی حل ایتیش اوچون دولتی محکمهلرگه مراجعت قیلمهی، طالبلر نظارتیدهگی صحرایی محکمهلرگه مراجعت قیلهدی.
مذکور تومنلر یشاوچیلریدن بیرقطارینینگ سلاموطندارگه ایتیشیچه، دولتی محکمهلرده پاره خورلیک و اداری فساد دن زیریککنلری باعث، قضایی مسئلهلرینی صحرایی محکمهلرگه حل قیلهدی، دیمک ایشلر قولی صورتده ایلگری باریب و قیینچیلیکلری تیزلیکده حل بولهدی.
لوگر ولایتینینگ خروار و برهکیبرک تومنلری یشاوچیلری حاجی عبدالرحمن و محمد داوودنینگ سلاموطندارگه ایتیشیچه، خلق طالبلر محکمهسیگه ایشانهدی؛ دیمک صحرایی محکمهگه پاره خورلیک یوق دیر و قضیه طرف سیزلیک بیلن تیشکیریلهدی.
اوشبو یشاوچیلرنینگ ایتیشیچه، دولتی محکمهلرده فساد، پاره خورلیک، کاغذ و پارت بازلیک طبیعی لایحهگه اوزگرگن و قولی قضایی دوسیهلر، ییللر بوییچه محکمهلرده قالهدی و کیمسه هم اونی تیکشیرمهیدی.
لوگر ولایتی کینگشی باشلیغی حسیبالله استانکزینینگ ایتیشیچه، مذکور ولایتنی ایریم منطقهلریده خلق قضایی قیینچیلیکلرینی حل ایتیش اوچون طالبلرگه مراجعت قیلهدی. جناب استانکزیگه کوره، لوگر خلقینینگ صحرایی محکمهلرگه مراجعت قیلیشینی ایکی دلیلی بار؛ بیرینچیسی خلق طالبلر نظارتیدهگی منطقهلرده حیات کیچیرهدی و ایکینچیسی دولتی محکمهلرده قضایی دوسیهلر اوزاق زمان چوزیلهدی، انه شو سبب طالبلر محکمهسیگه مراجعت قیلهدی.
لوگر والیسی محمد حلیم فدایینینگ ایتیشیچه، اوچ تومن خروار، ازره و چرخ، یشاوچیلری قضایی قیینچیلیکلرینی حل ایتیش اوچون طالبلرگه مراجعت قیلهدی. بیراق جناب فدایی، قیینچیلیکنی باشقه ییرده کورهدی؛ اونینگ ایتیشیچه، لوگرنینگ تورت تومنیده هیچ بیر محکمه موجود ایمس دیر و خلق ناچار صحرایی محکمهلرگه تَن بیرهدی. لوگر والیسی، اداری فسادنی خلق دلیلی بیلمهی و اونی جدی صورتده رد قیلهدی.
لوگر ولایتی استیناف محکمه قاضیسی عبدالقیوم نورزینینگ سلاموطندارگه ایتیشیچه، اوتکن ییللرگه قرهگنده لوگر محکمهلریدهگی اداری قیینچیلیکلریدن کوپینچهسی حل بولگن و حاضر خلق ناتینچ منطقهلردن پلعلم محکمهسیگه مراجعت قیلهدی. شونینگدیک جناب نورزی، دولتی محکمهلرده اداری فساد و پاره خورلیک خصوصیدهگی خلق ادعالرینی رد ایتهدی.
دیمک سونگی تورت ییلده، دنیا جماعهچیلیگی افغانستان قضایی سیستمهسی یوقاری کیتیشی خصوصیده میلیونلرچه خرچ قیلگن. بیراق بیرقطارلرنینگ ایتیشیچه، حاضرگه قدر مملکت قضایی سیستمهسی ناتینچ منطقهلرده مالی و اداری فسادگه چومیلگن کورینهدی و دولتهم بو سیستمهنی باشقریش خصوصیده چاره تدبیر کورمهگن.
