عایله شیری – شیرین آرزولر آغوشیده، قلبلرگه قووانچ آلیب فرزند دنیاگه کیلهدی. اوغیلدیر قیزدیر الله بیرگن اولوغ نعمتدیر. قیز باله اولغهیر ایکن اونینگ ایلک اوینیدیگن اویینچاغی – اویینچاقدیر.
بالهلر بیرگه اوینشر ایکن اولرنینگ بیری آته، بیر ایسه آنه اویینچاقلر ایسه فرزندلری بولیب اوینشهدی. بلکیم، شوندهی دیر، عایله توغریسیده توشونچه بالهلیگیمیزدن قان – قانیمیزگه سینگیب کیتگن. اوزبیک خلقی شونینگ اوچون هم عایلهنی مقدس دیب بیلهدی. حقیقتدن هم، باشقه خلق تورموش طرزینی کوزتر ایکنمیز، بیزدهگی عایله گه بولگن مهر و محبت، فداییلیک، عایلهنینگ مقدسلیگینی حس قیلیش فرزند تربیهسیگه بولگن مناسبت، عایلهدهگی تاتولیک صبر – طاعت، قناعتلیک، انصاف – دیانت کبی ایجابی فضیلتلر فقط گینه اوزبیک خلقیگه، اوزبیک عایلهلرگه ماسدیک تویولهدی کیشیگه. هه، عایله جمعیتنینگ بیر بولهگی دیر. مستحکم عایله مستحکم جمعیت دیر. عایلهنی بیر اولکن درختگه اوخشتسک، اونینگ بهقوت تنهسی یا ایلدیزی آته و آنه دیر. شوندهی درختنینگ شاخهلری هم ساغلام و کورکم بولهدی. ایلدیز و تنه آته – آنه ایکن، بوندهی ساغلام تنه و ایلدیزدن البته ساغلام شخصلر، یعنی ساغلام فرزندلر دنیاگه کیلهدی. شوندهی ایکن آته – آنه ایناق، تربیهلی، بیر – بیرینی حرمت قیله دیگن بیر – بیرینی توشونه دیگن بولسه بوندهی عایلهده عاقله قیزلر و ییتوک ییگیتلر وایهگه ییتهدی. لیکن اطرافیدهگی قورت – قومورسقه شمال – توزان، هر – خیل آفتلر بار ایکن، درختگه هم آز مونچه تاثیرینی اوتکزمی قویمیدی. بوندهی آفتلردن تلفات کوریش ممکن. اما تنه و ایلدیز مستحکم، ساغلام بولسه اوز شاخهلرینی بلای – آفتلردن اسرهیدی، ایگیلگن شاخهلرینی ایسه استه سیکینلیک ایله اوز قدینی تیکلشگه یاردم بیرهدی. تورموشده هم شوندهی ناخوشلیکلر اوچرهب تورهدی. عایله اوستونی ییر حسابلنهدی. عایله اوستونی بولیش ییر عقلی و اوز جفتی حالتیدن همه جهتدن اوستون ایکنلیگینی یخشی بیلهمیز. بعضی قدیم – قدیمدن اوتیب کیله یاتگن قدیمی و اولوغ عادتلریمیزدن بیری دیر. عیاللرگه عایله نینگ تینچ – تاتولیگی، آزاده گلی، فرزندلر تربیهسی یوکلتیلگن بولسه، ایرککلر باشیگه ایسه عایله تشویشلری یوکلته تیلگن. اولر بو حیاتده ذکاوتلی قاضی بولمکلری و همه ایشنی عدالتلی حل قیلماقلری لازم. ایرکک – عیالنینگ قلقانی، بالهلرینینگ پناهی دیر. حادثهلرده ییر – خاتین، فرزند، عایله حقیده جوده کوچ عبرتلی سوزلر کیلتیرگن. عیالنینگ و ییرنینگ بیر – بیرگه قیله دیگن وظیفهلری و مجبوریتلری موجود. ایرنینگ خاتین آلدیدهگی وظیفهسیدن بیری: « ایر اوزی ییگن آوقتدن خاتینگه و بالهلریگه ییدیرماغی، اوزی کیگن کییمدن خاتینی و بالهلریگه کیدیرماغی شرط». بوندن تشقری هر بیر ایر اهلی عیالنینگ یوزیگه اورمسلیگی، خاتینیگه یامان سوز ایتمسلیگی یاکه بولمسه خاتیندن اجرلماققه توغری کیلسه اویدن چیقیب کیتماغی درکار دیگن فکرلر بیتیلگن. اهلی – عیالگه یخشی مناسبت بولسه او بیلن مدارا قیلمسه، اوشه عایلهده تورموش لذتی یوقالهدی. اویدن فیض و برکت کیتهدی. ایر هم، خاتین هم بوندهی ایشلردن ییراق یوریشلری، اوزلرینینگ حیاتلری فرزندلرینینگ کیلهجک حیاتلرینی گللب – یشنشی اوچون و بیر مرته فروان حیات کیچیریشلرینی تامینلشگه خذمت قیلهدی. انه شو شیرین تورموشگه رَخنه سالووچی کیشلرنینگ اوز – اوزیدن یوقالیب کیتیشی اوچون بیر – بیریگه وفادار ایر – خاتینلر کوپیماغی درکار. هر بیر انسان تورموش قورر ایکن، بیر دنیا آرزو امیدلر قیلهدی. عایلهسینی دنیادهگی اینگ بختلی عایله بولیشینی قورغاشیندن مستحکم بولیب فرزندلری کمالینی کوریشنی بیر عمر راحت – فراغتده یششنی قیین آنه – قیین آته، قرینداش اورغی مناسبتلرینی مستحکم بولیشینی خواهلدی. افوسکه، آرزولر همه وقت هم عملگه آشهویرمیدی. یورهگینگ توبیدهگی گپلرنی بعضن اینگ یقین کیشیگه هم ایته آلمیسن، الم و دردلرینی کوز یاشلرینگدن آلهسن. دلینگیدهگی گپلر اوزینینگ ایاوسیز قصاصینی ینه اوشه بیچاره کوز یاشلریدن آلهدی، و بیر قدر تینچ لنهدی. اونینگ قانیده تینچلی بارلیگی مهربانی، سیوینگن تاغی شو فرزندلری ایکنلیگی، شولرنینگ کمالینی کوریش اونینگ اوچون اینگ بویوک بخت ایکنلیگیدن تسکین تاپهدی. اولرنینگ بویوک انسان بولیب ییتیشیشگه امید باغلیدی. انه شوندهی جانکویر آنهلر و فدایی ایرککلر بار ایکن، اولرنینگ قرشیسیده دایما باش ایسنگ ارزیدی.
