بوگون «دوشنبه» خوست حربی کینگشی خبری بیر ییغین اوتکزیب اعلان قیلیشیچه، بوندن کیین هیچ بیر نامزدگه مردمی کته ییغین‌لر یولگه قوییش، آغیر قورال بیلن 5 دن آرتیق قوروقچی، باشقه نامزدلرنی کم‌سیتیش و اهانت قیلیش و ناتینچ تومن‌لرده سیلاو کمپاین‌لرینی یولگه قوییش‌گه رخصت بیریلمه‌یدی.
اوشبو کینگش اعضالری‌نینگ ایتیشیچه، نماینده‌لر کینگشی سیلاوی‌نینگ نامزدلری ذکر ایتیلگن موضوعلرگه دقت قیلمه‌گن صورتده، بیران واقعه یوز بیرگن شکلده مسؤولیتی نامزدلرنینگ اوزلرینی بوینیگه بولیب و لایحه گه قرشی نامزدلر قانون اساسیده جزالنه‌دی.
خوست حاکمی سوزلاوچیسی طالب منگل‌نینگ سلام‌وطندارگه ایتیشیچه، حربی کینگشی اوشبو چیکلاونی امنیتی تهدیدلر یوقاری بولگنی باعث، تعیین قیلگن.
خوست یشاوچیلری‌نینگ ایتیشیچه، نماینده‌لر کینگشی سیلاوی‌نینگ نامزدلری‌نی یانیده آغیر و یینگیل قوراللر بیلن جهازلنگن قوروقچیلر کوپلیگی اهالی‌نی خواطرگه سالگن.
نماینده‌لر کینگشی نامزدلریدن اکبرجان فولاد حربی کینگش نینگ اوشبو قراری دن خرسندلیک بیلدیریب ایتیشیچه، امنیت تأمین‌لنیشی اوچون بو یخشی گزینه دیر.
بیراق نماینده‌لر کینگشی اعضالری و خوست یشاوچیلریدن باشقه بیر قطاری، حربی کینگش‌نینگ آلگن قراری‌گه قرشیلیک بیلدیریب ایتیشلریچه، خوفسیزلیک اداره‌لر نامزدلرنینگ خوفسیزلیگی توغرییسده مسئول دیر.
نماینده‌لر کینگشی نامزلریدن کمال‌ناصر اصولی‌نینگ ایتیشیچه، نامزدلر 5 قوروقچی بیلن خوفسیزلیک‌لرینی تأمین قیله آلمه‌یدیلر.
نیچه کون آلدین پارتلش ماده ییرلشتیریلگن بیر موترسایکل نماینده‌لر کینگشی نامزدلریدن بیریسی نینگ هدف آستیده آلیش نیتیده ایدی؛ بیراق هدف‌گه یتیشمس‌دن آلدین پارتله‌گن و نتیجه‌ده قطار تینچ‌اهالی هلاک و یره‌لنگن و اوشبو حادثه‌دن سونگ خوست حربی کینگشی مذکور قرارنی آلگن.
