نماینده‌لر کینگشی نامزدلریدن بیرقطاری‌نینگ ایتیشیچه، غور ولایتی‌نینگ کوپینچه تومن‌لریده اجتماعی قیین‌چیلیک‌لر و ناتینچلیک باعث، حاضرگه‌قدر سیلاو کمپاین‌لری باشلنمه‌گن. غور ولایتی‌نینگ مرکزی فیروزکوه و لعل‌وسرجنگل تومنیده نماینده‌لر کینگشی نامزدلری 5 کوندن بویان سیلاو کمپاین‌لرینی دوام بیرماقده؛ بیراق مذکور ولایت‌نینگ باشقه 8 تومنیده سیلاو کمپاین‌لریدن هیچ خبر یوق دیر.
نماینده‌لر کینگشی نامزدلریدن عزیزه افضلی و گلفروز غفورینینگ ایتیشیچه، ناتینچلیکلر چکهسیده قوم گرالیک هم کته قیینچیلیکلردن دیر.
اولرنینگ ایتیشیچه، غور ولایتی‌نینگ قطار تومنلری و قیشلاقلریده آواز بیریش مرکز یوق دیر و آواز بیریش مرکز بولگن محللرده هم بیللی نامزدلر منفعتیگه ساخته کارلیک ایتیلهدی.
غور مدنی فعاللرینینگ ایتیشیچه، حکومت نامزد وکیللرگه کمپاین قیلیش زمنیهسینی یرهتمهگن صورتده، اهالی سیاسی مشارکتدن محروم قالهدی.
غور مدنی جماعه مسوولی محمدوزیر نورانینینگ ایتیشیچه، مذکور ولایت کوپ قطار تومنیده طالبان گروهینینگ فعالیتی بار و نامزد وکیللرگه کمپاین قیلیش اجازهسی بیریلمهیدی.
عینحالده، غور حاکمینینگ سوزلاوچیسی عبدالحی خطیبینینگ ایتیشیچه، نماینده‌لر کینگشی نامزدلری قوم گرالیک اساسیگه اوزلرینی نامزد قیلگن و کمپاینگه نیازلری یوق؛ بیراق نامزد وکیللر بیللی منطقهده کمپاین قیلیشنی ایستگن صورتده امنیتی کوچلر اولرنینگ خوفسیزلیگینی تامین قیلهدی.
غور تومنیده 30 کیشی اوزلرینی نماینده‌لر کینگشیده نامزد قیلگن و بو جملهدن ایکی عیال شامل 6 کیشی نماینده‌لر کینگشیده یول تاپهدی.
