سیلاو ایرکین کمیسیونی مسؤوللری نینگ ایتیشیچه، 34 ولایتده آوازلرنی قیته سنهش باشلهنیشی اوچون دستلبکی ایشلر یکونلنگن و ایرته مذکور کمیسیون نینگ ایشلاوچیلری آوازلرنی قیته سنهش اوچون مملکت نینگ 34 ولایتی گه یول آلهدی.
سیلاو ایرکین کمیسیون اعضاسی اورنگزیب نینگ ایتیشیچه، آواز بیریش محللر و آوازلر قیته سنهلهدیگن محللرنینگ دقیق رقمی سیلاو کمیسیونی نینگ قراریدن سونگ معلوم قیلینهدی.
بیراق، عبدالله عبدالله رهبرلیگیده بولگن برقرارلیک و یقینلیک سیلاو تیمی نینگ نظارتچیلردن محمدیونس نواندیش نینگ ایتیشیچه، سیلاو اشتراکچیلری نینگ آوازلرینی دقیق رقمی معلوم بولمهگن صورتده، آوازلرنی قیته سنهش دقیق بولمهیدی.
لیکن، اشرف غنی رهبرلیگیده بولگن دولت قورووچی تیم اعضاسی قادرخان هوتخیل نینگ ایتیشیچه، مذکور تیم نینگ ایشانچی گه آوازلرنی قیته سنهش سیلاو نتیجهسی اعلان ایتیلیشیده شفافیت تأمینلنیشی گه سبب بولهدی.
آواز بیریش محللرنینگ آوازلری قیته سنهلیشی باشلنگن بیرچاغده، درمالوگ شرکتی 6- میزان جمهورلیک ریاست سیلاویده اشتراک قیلگنلرنینگ سونگی رقمینی سیلاو ایرکین کمیسیونی گه یوبارگن.
