پکتیکا باغدارلری و سوداگرلرینینگ ایتیشیچه، مذکور ولایتنینگ آلمهسینی محصولاتی اوتگن ییللرگه نسبتن تکرارسیز شکلده کوپهیگن و اولر بو میوهنی ساتیب نیچه برابر درامد قولگه کیریتهدیلر.
اوشبو باغدارلرنینگ ایتیشیچه، حکومت اولرنینگ باغلری و محصولاتی گه دقت قیلگن صورتده، محصولاتلری حاضرگیدن کوره کوپهییشی ممکن.
اولرگه کوره، اوتگن ییل 300 آلمه درختیدن قولگه کیریتگن درامد 400 مینگ افغانی بولگن ایکن، بیراق بو رقم حاضر 1300 مینگ افغانی گه ییتیشگن.
شونینگدیک، پکتیکا سوداگرلریدن بیری حبیبالله نینگ ایتیشیچه، مذکور ولایتنینگ آلمهسی دنیا بازارلریده یخشی شهرت قازانگن و یخشی قیمت گه ساتیلهدی.
پکتیکا ولایتینینگ صنعت و سوداگرلیک اتاقی باشلیغی طلاخان ذهیننینگ ایتیشیچه، مذکور ولایتنینگ آلمهسینی محصولاتی اوتگن ییللرگه نسبتن یخشی بولگن بیرچاغده، صادراتی هم یخشی بازار تاپگن. جناب ذهین گه کوره، پکتیکا آلمهسینی محصولاتی اوتگن ییللرگه نسبتن 40 تُن کوپهیگن.
پکتیکا ولایتینینگ یشاوچیلریدن کوپینچهسی ایکینچیلیک ایشلری بیلن شغللنهدی و تیریکچیلیکلریده بولگن نیازلرینی شو یول بیلن قولگه کیریتهدیلر.
