تخار ولایتینینگ درقد تومنیدهگی محلی منبعلرنینگ سلاموطندارگه ایتیشیچه، بوگون ایرتهلب تاجیکستان نینگ 4 حربی اوچاقی درقد تومنینینگ ایریم بولیمیده هجوم اویوشتیرگن.
منبعلرنینگ ایتیشیچه، تاجیکستان حربی اوچاقلری جنگل مشترک، اچهگذر و کهنهخانه نی نشانگه آلگن.
تخار حاکمی سوزلاوچیسی جواد هجرینینگ ایتیشیچه، اوتگن کون کیچ قورون قاچاقچیلر تاجیکستان چیگرهسیدن اوتهدیگن پیت قاچاقچیلر و تاجیکستان چیگره کوچلری آرهسیده آتیشمه یوزبیرگن و آتیشمه نتیجهسیده تاجیکستان چیگره کوچلریدن 2 کیشی هلاک بولگن.
تخار حاکمی سوزلاوچیسی گه کوره، تاجیک چیگره کوچلری اولدیریلگندین سونگ، بوگون ایرتهلب ساعت 7 ده تاجیکستان حربی اوچاقلری درقد تومنی نینگ ایریم بولیمی نی هدف آستیده آلیب و طالبلر نظارتیگه بولگن منطقهلرنی بمبارد قیلگن.
تخار ولایتینینگ درقد تومنی طالبلرنی فعالیت مرکزی بولیب و بو تومننی 90 فایز ییری طالبلرنینگ نظارتیگه دیر.
تخار پولیسی سوزلاوچیسی خلیل اسیرنینگ ایتیشیچه، تاجیکلرنینگ درقد تومنی اوستیگه اویوشتیرگن هجومی نتیجهسیده 6 طالب هلاک و باشقه 9 کیشی تن جراحت آلگن.
طالبلر حاضرگچه بو توغریده هیچ نرسه دیمهگن.
