افغانستاننینگ ایریم ولایتلریده سونگی کونلر یوز بیرگن امنیتی واقعهلر، باشکینت یشاوچیلرینی هییت کونلریده ناتینچلیکلر یوز بیریشی توغریسیده خواطرگه سالگن.
اولرنینگ ایتیشیچه، هییت کونلرینی بیرهم توتیش و پارکلرگه کیتیش اولر اوچون قیین توشهدی.
بیراق، ایچکی ایشلر وزیرلیگی سوزلاوچیسی نجیب دانشنینگ ایتیشیچه، هییت کونلرینی خوفسیزلیگی تأمینلنیشی اوچون بیر ریجه قولگه آلینگن و بو ریجه عملگه آشیریلگن صورتده، یشاوچیلرنینگ خواطری برطرف ایتیلیشی ممکن. جناب دانش گه کوره، بو ریجه ایرتهدن عملگه آشیریلهدی.
عین حالده، تینچلیک عالی کینگشی اورین باسری حاجی دینمحمد، آتیش کیسین دن سوزلهیدی و افغانستان دولتی بیلن طالبان گروهی آرهسیده هییت کونلریده آتیش کیسین اعلان ایتیلیشی ممکن. گرچند تینچلیک عالی کینگشی اورین باسری نینگ ایتیشیچه، حاضرچه دولت و طالبان آرهسیده آتیش کیسین زمانی اوستیگه قرشی فکر موجود.
روزه بیرهم هییت کونلریده دولت و طالبان گروهی آرهسیده آتیش کیسین اعلان ایتیلدی و نتیجهده ترورچیلیک واقعهلر و ناتینچلیکلر کمهیدی و طالبان گروهینینگ قطار اعضالری شهرلرگه کیریب اهالی بیلن اوچرهشدی. عین حالده، طالبان گروهی نینگ رهبری ملا هبت الله، بو گون قربان هییتی خصوصیده بیر گن قوتلاو پیامی ده افغانستان دولتی وطالبان گروهی آرهسیده آتیش کیسین اعلان بولیشی خصوصیده، هیچ قندهی اشاره قیلمهگن.
