بوگون "سهشنبه" کابل شهری راکتی هجوم گه دوچ کیلدی. اوشبو راکت اوقلری کابل شهری نینگ 5 و 17- ناحیه سیگه توشدی.
ایچکی ایشلر وزیرلیگینینگ سوزلاوچیسی نجیب دانشنینگ ایتیشیچه، 7 راکت کابل شهرینینگ 5- ناحیه سیگه و بیر راکت 17- ناحیهگه توشگن.
جناب دانش گه کوره، راکتلردن بیری کابل شهرینینگ 5- ناحیه سیده بولگن بیر مسکونی اویگه توشیب نتیجهده ایکی باله شامل 3 کیشی یرهلنگن. بیراق عینی شاهدلر مذکور واقعهگه 7 کیشینینگ یرهلنگنی نی تصدیقلیدیلر.
محل یشاوچیلری راکت توشگن دن سونگ اوز اویلرینی ترک قیلیب شهر باشقه منطقهلریده جای لشگنلر.
اوشبو واقعه اجتماعی ترماقلر ایشلاوچیلرینینگ قرشیلیگی بیلن دوچ کیلیب و اولر امنیتی نهادلرنی مسوولیتسیزلیککه عیبلهگنلر.
بیراق ایچکی ایشلر وزیرلیگی سوزلاوچیسینینگ ایتیشیچه، پولیس بوتوغریده تحقیقات نی باشلهگن.
حاضرگهقدر هیچ گروه بو واقعه مسوولیتی نی بوینیگه آلمهگن.
