قاچقینلر و باش پناه ایزلاوچیلر وزیرلیگینینگ مطبوعاتی مصلحتچیسی حفیظالله میاخیلنینگ سلاموطندارگه ایتیشیچه، ایرانده یشهیدیگن قاچقینلرنی زوردن چیقاریش و اوز اختیارلریگه چیقیش میزانی، اوتگن ایکی هفته گه نسبتن کوپهیگن.
میاخیل گه کوره، قاچقینلر زوردن چیقاریلیب کلتکلنهدیلر، زورهوانلیککه دوچ کیلهدیلر و اولرنینگ انسانی حقلری نقض ایتیلهدی.
اونینگ ایتیشیچه، ایران پولینینگ بهاسی قویی کیلگنی باعث، افغانستان قاچقینلری زوردن چیقاریلهدی و زودن چیقاریلگن قاچقینلرگه عیاللر و بالهلر هم شامل دیر.
قاچقینلر وزیرلیگینینگ مطبوعات مصلحتچیسی، قاچقینلر زوردن چیقاریلیشی خواطرلی دیب کوپهیتیریشیچه، افغانستان حکومتی حقلی کیشیلرگه ییر ترقهتیش لایحهسی اوستیگه ایش قیلماقده.
هرات ولایتیده قاچقینلر ریاستی باشلیغی جاوید نادمنینگ ایتیشیچه، اوتگن آی جریانیده ایراندن زوردن چیقاریلگن قاچقینلردن 14 مینگ و 132 کیشی هراتنینگ اسلام قلعه چیگرهسیدن ممکلتگه کیرگن.
باشقه تاماندن، دویچهوله فارسی سایتی، ایران رسمیلریدن نقل قیلیب یازیشیچه، افغانستان قاچقینلری ایران یشاوچیلریگه ایش قالمهگنی باعث، زوردن چیقاریلهدی.
عین حالده، قاچقینلیک خلق ارا تشکیلاتی ینگی گزارشیده یازیشیچه، ایراندن افغانستان قاچقینلری چیقاریلیشی اوتگن هفته گه نسبتن 2% کوپهیگن.
اوشبو گزارش اساسیده، میلادی 2018- ییل، جولای آیینینگ 8 دن 14 گچه هرات و نیمروز چیگرهلریدن کمیده 13 مینگ و 946 قاچقین افغانستان گه قیتگن یا-ده چیقاریلگن.