ساغلیک وزیرلیگی نینگ ایتیشیچه، اوتگن 24 ساعتده 18 ولایتده کرونا ویروسی نینگ 235 ینگی ایجابی واقعهسی قید ایتیلگن.
بوگون (یکشنبه 14- ثور) مذکور وزیرلیک سوزلاوچیسی وحیدالله مایار نینگ ایتیشیچه، بولردن 63 کیشی کابل، 54 کیشی قندهار، 19 کیشی هرات، 14 کیشی پنجشیر، 12 کیشی ننگرهار، 13 کیشی تخار، 10 کیشی سمنگان و شونینگدیک باشقه 10 کیشی غور ولایتیده کرونا ویروسی گه چلینگن.
شونینگدیک، 9 کیشی بغلان، 7 کیشی میدانوردک، بیش بیش کیشی بادغیس، بامیان و لغمان، 3 کیشی سرپل، ایکی ایکی کیشی کنر و پروان و باشقه بیر بیر کیشی فراه و هلمند ولایتیده بو ویروس گه چلینگنی انیقلنگن.
مذکور ینگی واقعهلر قید ایتیلیشی بیلن مملکت 33 ولایتیده کرونا ویروسی گه چلینگنلر سانی 2 مینگ و 704 کیشی گه ییتیشدی. چلینگنلردن 72.8 فایزی ایرکک و باشقه 27.2 فایزی عیاللر دیر.
شونینگدیک 256 ساغلیک ایشلاوچیسی بو ویروس گه چلینگن کیم بولردن قطاری دارولنگن و باشقه قطاری ایسه اویلریده قرنطین قیلینگن.
اوتگن بیر کیچه-کوندوز ده کرونا گه چلینگن 14 کسل دارولنگن و باشقه 12 کسل جان بیرگن. ساغلیک وزیرلیگی نینگ معلوماتی اساسیده، حاضرگچه بو ویروس گه چلینگن 345 کیشی دارولنگن و شونینگدیک 85 کیشی ایسه جان بیرگن.
