.JPG)
افغانستانلیک سیکلرنینگ سنامجلسیدهگی نمایندهسی انار کلی هنریارنینگ ایتیشیچه، هنوز هم افغانستانلیکلرنینگ بیر قنچهسی مملکت سیکلریگه کمتربینلیک بیلن قرهیدیلر و اولرنی مملکت اهالیسی صفتیده تانیمی دیلر.
ویساک بیرهمی مناسبتی بیلن اوتکزیلگن ییغینده سوزگه چیققن خانم هنریارنینگ سوزلریگه کوره، مملکتده ایچکی اوروشلر یوز بیرمسدن آلدین سیکلرنینگ سانی جوده کوپ بولگن. اما، مملکتده یوز بیرگن ایچکی اوروشلر حتی اوندن سونگ هم بولرنینگ کته قسمی افغانستان ترک قیلگنلر. خانم هنریار، افغانستانلیک هندوی و سیکلر بیلن مسلمانلرنینگ علاقهسی ایچکی اوروشلردن آلدین انسانی و صمیمی بولگنلیگی بارهسیده تاکیدلهگن. اوشبو بیرهمده اشتراک قیلگن کابل امنیه قوماندانی جنرال عبدالرحمان رحیمی، افغانستانلیک سیکلرنینگ مظلوملیگه اشاره قیلیب ایتیشیچه، بو قتلم مملکت دهگی ایچکی اوروشلر زمانیده بوتونلی طرفسیز بولگنلر.
.JPG)
لیکن، شونگه قرهمی اوروشنینگ کته کلفتی نی هم شو خلق تارتگن. مملکت خوفسیزلیک ادارهسینینگ مذکور بلند مرتبهلی رسمیسی، مملکتده استقامت قیله دیگن سیکلرگه قرشی تبعیضنی اسلام و اخلاققه ضد بیر عمل دیگن. سیکلرنینگ قوم یاش اولوغلریدن بیری رویلسنگ نینگ سوزلریگه قرهگنده، سابقهلرده ویساک بیرهمی شانلی روشده ننگرهار سرخ تومنی نینگ سلطان پور منطقهسیده مخصوص شکلده نشانلنردی؛ لیکن، اوشبو منطقه بوگونکه کونده بیر ویرانگه ایلنتیریلگن. بوگون (دوشبنه) سانی یوزدن آرتیق بولگن سیک کابل شهریدهگی درمساللردن بیریده سیک مذهبی نینگ اساسچیلریدن بیری بولیمش ( گرو گوبین سنگه) نینگ توغیلگن کونینی خاطرله گنلر. ننگرهار ولایتی سلطان پور منطقهسینینگ کمچیلیک اهالیسی آیینی رقصگه توشیش بیلن ویساک کونینی نشانلهگنلر.
.JPG)
ویساک بیرهمی سیک مذهبی ایزداشلری اوچون دنیا بولیب ییریک اهیمتگه ایگه و هر ییل بو کون نشانلهدی. اوشبو مذهب نینگ آقسقاللریگه کوره، ویساک بیرهمی اوچ کون دوام ایتهدی. بو اوچ کونده مخصوص عبادتلر جملهدن سیک مقدس کتابی، موسیقی بیلن مناجات اوقیش، ینگی دنیاگه کیلگن بالهلرگه نام قویش و توپلم تویلرنی اوتکزیلهدی.
سیک کمچیلیک مذهبی افغانستان خلقینینگ بیر فایزینی تشکیل ایتهدی. بو مذهبنینگ ایزداشلری دایم مسلمان یورتداشلریدن گلایه قیلیب کیلهدی. ایریم موردلرده سیکلرنینگ جسد کویدیریلیشی اوچون اهالی تامانیدن بعضی چیکلاولر یرهتیب کیلینگن.
