سرپل ولایتیده فاتحه مراسمیده اویوشتیریلگن خودکش هجوم نتیجهسیده، 15 تینچ اهالی و طالبلرنینگ ییریک قومندانلریدن 7 تهسی هلاک ایتیلگن.
سرپل پولیس قومندانی عبدالقیوم باقیزوینینگ سلاموطندارگه ایتیشیچه، اوشبو هجوم سرپل ولایتینینگ صیاد تومنی اجیرم قیشلاغیده جایلشگن طالبلرنینگ مهمانخانهسیده یوز بیرگن.
جناب باقیزوی گه کوره، اوشبو مراسمده طالبلرنینگ ییریک قومندانلریدن بیرقطاری اشتراک قیلگن ایکن.
آتی فاش ایتیلیشینی ایستمهگن بیر منبعنینگ ایتیشیچه، یوز بیرگن واقعهده 27 کیشی هلاک و 23 کیشی یرهلنگن.
امنیتی رسمیلرنینگ ایتیشیچه، بو هجوم داعش گروهی تامانیدن اویوشتیریلگن و حاضر داعش و طالبان گروهی آرهسیده آتیشمه دوام ایتماقده.
