فراه ولایت کینگشی اعضاسی جمیله امینی‌نینگ سلام‌وطندارگه ایتیشیچه، اوتگن کون کیچ قورون قوراللی طالب‌لر فراه‌نینگ بیشینچی خوفسیزلیک حوزه‌سی‌گه هجوم قیلگن و نتیجه‌ده 4 ساعت‌لیک آتیشمه‌دن سونگ، مذکور حوزه‌نی نظارت گه آلگن.
امینی‌گه کوره، دستلبکی گزارش‌لر اساسیده، بو هجوم‌ده 8 عسکر هلاک و باشقه بیرقطاری یره‌لنیب و توتقونگه آلینگن؛ بیراق آتی سِر قالیشینی ایسته‌گن خوفسیزلیک منبع‌لردن بیری‌نینگ سلام‌وطندارگه ایتیشیچه، اویوشتیریلگن هجوم‌ده 7 عسکر هلاک ایتیلگن، 7 ته‌سی یره‌لنگن و باشقه 15 ته‌سی طالب‌لر تامانیدن قولگه آلینگن.
امینی‌نینگ کوپه‌یتیریشیچه، پولیس کوچلری‌نینگ بیر تانکی طالبان تامانیدن اوت‌گه تارتیلیب و باشقه بیر تانکی بیشینچی حوزه‌نینگ برچه حربی جهازلری بیلن اولرنینگ قولیگه توشگن.
ولایتی کینگش‌نینگ اوشبو اعضاسی‌گه کوره، مذکور پوسته‌نینگ حربی کوچلری یخشی شکلده جهازلنگن ایکن، بیراق طالبان آغیر حربی جهازلر بیلن بو قرارگاه اوستیگه هجوم قیلیب و قرارگاه‌نی سقوط بیرگن.
عین حالده، فراه حاکمی سوزلاوچیسی ناصر مهری، بو هجوم‌نی تصدیقلب ایتیشیچه، امنیتی کوچلر آرقه‌گه چیکیلگنی باعث، طالبان فراه شهری‌نینگ خوفسیزلیک چیک پاینتی‌نی نظارت گه آلگن؛ بیراق یاردمچی کوچلر ییتیشگنیدن سونگ، طالبان منطقه‌دن قاچگن و بو منطقه حاضر خوفسیزلیک کوچلری‌نینگ نظارتی‌ده دیر.
فراه حاکمی سوزلاوچیسی، خوفسیزلیک کوچلری‌نینگ قربانلیگی توغریسیده هیچ نرسه دیمه‌گن.
