یکشنبهدن دوشنبه گه اوتر کیچه یریمیده ننگرهار ولایتینینگ خصوصی کسلخانهلریدن بیری گه 15 و 20 یاشیده بولگن ایکی ایناغه انتقال بیریلگن و ایگاوی هم ایرککلیکدن قالگن.
اوشبو کسلخانه داکترلریدن بیری آتی فاش ایتیلیشینی ایستمهی ایتیشیچه، اولر یالغیز مذکور ایکی یاشنینگ قانینی توختهتگن و اولر دارولنیشی اوچون کابل گه یوباریلگن.
شونینگدیک، ننگرهار حوزهیی کسلخانهسی داکترلریدن بیری رفیعالله امیننینگ ایتیشیچه، مذکور ایکی ییگیت بو کسلخانه گه هم باش اورگن، بیراق داکترلرنینگ مصلحتیدن سونگ، کابل گه یوباریلگن.
ننگرهار ولایتینینگ محلی ادارهسی و انسان حقلری کمیسیونینینگ ولایتی دفتری مسؤوللری، بو توغریده هیچ نرسه دیمهیدی.
اوشبو ایکی یاش ییگیتنینگ عایله اعضالریدن بیری بیلن صحبت قیلیشنی ایستهدیک، بیراق سعی و حرکتلریمیز نتیجهسیز قالدی.
بو قضیه قندهی بیر شکلده یوز بیرگنی و عاملی توغریسیده حاضرگچه معلومات قولگه کیریتیلمهگن. بیراق اجتماعی ترماقلرده ترقهتیلگن معلومات گه کوره، مذکور ایکی یاش ییگیت اَبهسینینگ قیزی گه جنسی زورهوانلیک قیلماقچی بولگنده، بو وضعیت گه دوچ کیلگن.
