غزنی ولایتینینگ یشاوچیلریدن بیرقطاری، بوگون کابلده «بیزلر سیلاولر حوزه بندلیگینی جغرافیه اساسیده ایمس، بلکیم جمعیت اساسیده قبول قیلهمیز» نامیده ییغین یولگه قوییب ایتیشیچه، غزنی ولایتینینگ سیلاولری حوزهیی بولیشی، اولرنینگ ایستکلرینی تأمین قیله آلمهیدی.
اوشبو اعتراضچیلردن بیری مولانا رحمتالله اندرنینگ ایتیشیچه، غزنی ولایتیده سیلاولر حوزهیی بولیشی، غزنی یشاوچیلرینینگ حقوقینی تأمین قیله آلمهیدی و بو ولایتنینگ برچه قومی گروهلرینی نمایندهلر کینگشیده نمایندهسی بولیشی کیرهک.
اعتراضچیلر بیر شرطنامه صادر قیلیب، کمیسیون قراری لغو ایتیلیشی و تیزلیکده تنیق سیلاو یولگه قوییلیشی اوستیگه تأکید قیلگنلر. اولرنینگ ایتیشیچه، ایستکلریگه دقت قیلینمهگن صورتده، غزنی و کابلده ناراضیلیککه قول اوریب و مذکور ایکی ولایتده سیلاولر ایرکین کمیسیونینینگ دروازهلرینی یاپهدیلر.
بیراق، سلاموطندارگه صحبت بیرگن سیلاولر ایرکین کمیسیونینینگ سوزلاوچیسینی اورین باسری عبدالعزیز ابراهیمینینگ ایتیشیچه، مذکور کمیسیون غزنیده وجودگه کیلگن سیلاو قیینچیلیکلرینی حل قیلیش اوچون بو ولایتنی اوچ سیلاو حوزهسیگه تقسیم قیلگنلر.
شونینگدیک نیچه کون آلدین، کابلده نمایندهلر کینگشیدهگی غزنی ولایتینینگ نمایندهلری خبری بیر ییغین یولگه قوییب و مذکور ولایتده سیلاولر حوزهیی بولیشینی مملکت اساسی قانونی گه قرشی و بو توغریده سیلاولر ایرکین کمیسیونینینگ قرارینی غزنی یشاوچیلریگه قرشی تبعیض دیگنلر.
غزنی ولایتینینگ یشاوچیلریدن بیرقطاری، مذکور ولایتده سیلاولر ایرکین کمیسیونینینگ ولایتی دفتر دروازهسینی بیر مدت یاپیب و غزنیده کمیسیون فعالیتیگه توسیق بولگنیدن سونگ، اوشبو ولایتده سیلاولر ایرکین کمیسیونی سیلاولرنی اوچ حوزهگه تقسیم قیلدی.