.jpg)
افغانستان‌نی قوتقریش ائتلاف رهبرلیگی بیر اعلامیه ترقه‌تیب، مرکزی حکومت‌دن تیزلیک‌ده فاریاب ولایتیده‌گی مردمی کوچلر مسؤولی و قیصار تومنی‌نینگ خوفسیزلیک قومندانی نظام‌الدین قیصاری‌نینگ قوییب یوباریشی‌نی سوره‌گن.
اعلامیه‌ده اورغولنیشیچه، قومندان قیصاری قوییب یوباریلمه‌گن صورتده، قوتقریش ائتلاف اعضالری، نفوذی بولگن برچه ولایت‌لرده مدنی فعالیت‌لرگه قول اوریب و حاضر هم قانوندن تشقری اونلرچه قیین‌چیلیک‌که روپه‌ره بولیب تورگن کیله‌جک سیلاونی تحریم قیله‌دیلر.
اوشبو اعلامیه ترقه‌تیلگن بیرچاغده، فاریاب ولایتیده افغانستان ملی اسلامی جنبش حزبی‌نینگ طرفدارلری ناراضیلیک بیر نمایش یولگه قوییب و نظام‌الدین قیصاری قوییب یوباریلیشی‌نی سوره‌گن‌لر.
.jpg)
اعتراضچی‌لردن بیری محمدنعیم‌نینگ سلام‌وطندارگه ایتیشیچه، قیصاری دولت‌دن هیچ قنده‌ی امتیاز آلمس‌دن طالب‌لرگه قرشی اوروشردی. قیصاری قوییب یوباریلمه‌گن صورتده، اولر ناراضیلیک‌لریگه دوام بیره‌دی.
سلام‌وطندارگه صحبت بیرگن فاریاب ولایت کینگشی اعضاسی عبدالباقی هاشمی‌نینگ ایتیشیچه، قیصاری‌نینگ آدم‌لری بیلن علاقه قورگن و اولرنینگ ایتیشیچه، قومندان قیصاری تیزلیک‌ده قوییب یوباریلمه‌گن صورتده، اولر 50 دن آرتیق پوسته‌نی طالب‌لرگه تاپشیره‌دی.
شونینگدیک، نظام‌الدین قیصاری‌نینگ قومندانلریدن بیری حشمت‌الله نینگ سلام‌وطندارگه ایتیشیچه، فاریاب ولایتیده قومندان قیصاری کمیده 8 مینگ مردمی کوچ نی طالب‌لرگه قرشی رهبرلیک قیله‌دی؛ او قوییب یوباریلگن صورتده، قیشلاقلر طالب‌لرنینگ نظارتی گه اوتیشی ممکن.
.jpg)
عین حالده، جوزجان ولایتی‌نینگ یشاوچیلریدن یوزلرچه‌سی جاده‌لرگه چیقیب ایتیشیچه، فاریاب اعتراضچی‌لری‌نینگ حقلی ایستک‌لریدن حمایت قیله‌دیلر.
باشقه تاماندن، مدافعه وزیرلیگی سوزلاوچیسی محمد رادمنش نینگ سلام‌وطندارگه ایتیشیچه، مملکت شمالی‌ده خوفسیزلیک‌نی تأمین‌لنیش اوچون ییترلیچه کوچ موجود و اهالی هم اولرنینگ برنامه‌لریدن حمایت قیله‌دی. عین حالده، قیصاری‌نینگ موضوعی تیزلیک‌ده حل ایتیله‌دی.
نظام‌الدین قیصاری، اوتگن کون میمنه شهریده بیر رسمی حربی ییغینده اشتراک قیلگنیدن سونگ، کوماندو کوچلری تامانیدن توتقونگه آلینیب و کابل‌گه انتقال بیریلگن.
