.jpg)
مملکت غرب زونی‌ده آتی فاش ایتیلیشی‌نی ایستمه‌گن امنیتی ییریک منبع‌لردن بیری‌نینگ سلام‌وطندارگه ایتیشیچه، قوراللی طالبلر فراه ولایتی‌نینگ بالابلوک، لاش و جوین تومن‌لری اوستیگه هجوم قیلیب امنیتی کوچلرنینگ جهازلرینی اوتگه یاندیریب و بیر بولیمی نی اوزلری بیلن آلیب کیتگن. منبع گه کوره، امنیتی کوچلرنینگ قولیدن کیتگن جهازلرنینگ ارزشی بیر میلیون دالردن کوپ بوله دی ایکن.
منبع نینگ ایتیشیچه، قوراللی طالب لر امنیتی کوچلرنینگ 5 هاموی تانکی و بیر موترینی اوتگه یاندیرگن و اوچ هاموی تانک، بیر یوک تاشیووچی موتر و اونلرچه آغیر و یینگیل قورال نی اوزلری بیلن آلیب کیتگن.
مذکور منبع‌نینگ ایتیشیچه، آتیشمه جریانیده امنیتی کوچلردن 50 ته‌سی هلاک بولگن.
فراه حاکمی‌نینگ سوزلاوچیسی ناصر مهری، خوفسیزلیک کوچلرنینگ جهازلری طالبلر تامانیدن اوتکه تارتیلگنی و آلیب کیتیلگنینی رد قیلیب و خوفسیزلیک کوچلردن 15 ته‌سی هلاک بولگنینی تصدیق‌لیدی.
هلمند ولایتیده خوفسیزلیک کوچلر تامانیدن تازه‌لش عملیات یولگه قوییلگن چاغیده، طالبان گروهی فراه ولایتی گه هجوم قیلیب و حاضر خوفسیزلیک کوچلر و طالبان جنگریلری آره‌سیده آتیشمه‌نی دوامی بار.
