ننگرهار ولایت کینگشی اورین باسری لعل محمد درانینینگ ایتیشیچه، یکشنبه کون ایرتهلب ساعت 10 ده ننگرهار ولایتینینگ رودات تومنی زاخیل منطقهسیدن داعش گروهی 21 ایکینچینی آلیب کیتگن.
درانی گه کوره، اوغیرلنگنلردن 3 تهسی قوییب یوباریلگن و باشقهسی حاضرگچه داعش گروهینینگ قولیده دیر.
اونینگ ایتیشیچه، مذکور ایکینچیلر کوکنار ایکینزاریده ایش قیلیب تورگن بیرچاغده آلیب کیتیلگن.
بیراق، آتی فاش ایتیلیشینی ایستمهگن قوم بویوکلریدن بیرینینگ سلاموطندارگه ایتیشیچه، قوراللی کیشیلر 20 ایکینچینی اوغیرلگن و حاضرگچه هیچ بیری قوییب یوباریلمهگن.
اوشبو منبع گه کوره، ایکینچیلر قیسی بیر قوراللی گروه تامانیدن اوغیرلنگنینی بیلمهیدی؛ بیراق ایتیشیچه، بو ایکینچیلر ایکینزاردن اوغیرلنگن.
ایکینچیلرنینگ عایلهلری بیلن علاقه قوریشنی ایستهدیک؛ بیراق مؤفق بولمهدیک.
ننگرهار ولایتینینگ رسمیلری بو واقعهدن خبرسیزلیک بیلدیرهدیلر و داعش گروهی حاضرگچه بو واقعه مسؤولیتینی بوینیگه آلمهگن.
