جمهورلیک ریاستی تامانیدن ترقه‌تیلگن اعلامیه‌ده یازیلیشیچه، خوست ولایتیده جمهور رییس غنی بیلیم یورت استادلری و مکتب‌لرنینگ اوقیتووچیلریدن بیرقطاری بیلن اوچره‌شگن چاغیده ایتیشیچه، افغانستان حکومتی کیله‌جک ییل‌لرده دیورند چیزیغی‌نی او تامانی پاکستان توپراغیده بولگن اهالی‌گه برق بیریش خصوصیده، قرار قیلگن.
جمهورلیک ریاستی‌نینگ اعلامیه‌سی اساسیده، کیله‌جک ییل‌لرده خوست پکتیا و ننگرهار ولایت‌لریدن چیگره‌نی او تامانی گه برق صادر ایتیله‌دی.
شونینگ‌دیک، اعلامیه‌ده کوپه‌یتیریلیشیچه، جمهور رییس بو مسئله‌نی پاکستان باش وزیری شاهدخاقان عباسی بیلن شریک قیلگن.
اعلامیه‌دن نقل بولیشیچه، خوست ولایتیده بیلیم یورت و مکتب‌لرنینگ اوقیتووچیلری، حکومت‌دن دیورند چیزیغی اطرافیده‌گی منطقه‌لرگه دقت قیلیشی‌نی سوره‌گن.
ایتیش لازم، افغانستان نینگ اوزی قوشنی مملکت‌لردن جمله‌دن اوزبیکستان، تاجیکستان و ترکمنستاندن آلیب کیلینه‌دیگن وارداتی برق‌قه احتیاج بولیب تورگن بیرچاغده، حکومت کیله‌جک ییل‌لرده دیورند چیزیغی‌نینگ او تامانی گه برق بیریش‌دن خبر بیرگن.
