شمال و شرقی ولایت‌لرده داعش گروهی‌نینگ فعالیتی دوامیده، حاضر باشکینت گه قوشنی پروان ولایتیده مذکور گروهی فعالیتی توغریسیده مِش-مِش‌لر چیققن. سلام‌وطندارگه صحبت بیرگن پروان ولایت کینگشی اعضاسی محمدمجیب شورش‌نینگ ایتیشیچه، اوشبو ولایتده داعش گروهی عسکر آلماقده.
شونینگ‌دیک، پروان ولایتی نینگ محلی رسمی لریدن داعش گروهی نینگ فعالیتی دن خبرسیز قالمه‌گن.
پروان حاکمی فضل‌الدین عیار، اوشبو ولایت نینگ قطار منطقه‌لریده داعش نینگ فعالیتی نی تصدیق لب و بو گروه نینگ فعالیتی خواطرلی ایمس دییدی. اونینگ ایتیشیچه، داعش گروهی نینگ مرکزی نی نابود قیلیش اوچون سعی و حرکت دوام ایتماقده.
بیراق، اوشبو ولایت امنیه قومندانی محمدزمان مموزی، داعش آتی گه بوله‌دیگن فعالیت‌لرنی اوغیریلرگه نسبت بیریب و اولرنینگ باشلیغ لری پولیس کوچلری تامانیدن قولگه آلینگنینی بیلدیرگن.
پروان ولایتیده امنیتی بیر منبع‌نینگ ایتیشیچه، اوشبو ولایتده داعش نینگ فعالیتی یاشیرین شکلده عمل گه آشیریله دی و مذکور گروه نینگ جنگریلری بیر-بیراوینی تانیمه‌یدیلر.
باشقه بیر قطار منبع‌لرگه کوره، داعش گروهی بیلن حزب‌التحریر نینگ علاقه سی بار و بو تشکیلات داعش گروهی عسکر آلیشی توغریسیده یاردم بیره دی.
