کابل قونالغهسینینگ گمرک سوداگرلر بیرلشمهسی و ناس، پان و تنباکو سوداگرلرنینگ ایتیشیچه، اولر 15 ییلدن بویان اوشبو سوداگرلیک بیلن شغللنهدی، بیراق سونگی کونلرده مالیه وزیرلیگینینگ اورین باسرلیگی بیر مکتوب یوللب و توارلری مملکتدن تشقری صادر ایتیلیشی گه توسیق بولگن.
اولرنینگ ادعا قیلیشیچه، شو سوداگرلیک بیلن شغللنهدیگن 20 شرکتدن هر بیری توارلری توختهتیلگنی باعث، کونده یوز مینگ دالر زیان کورهدیلر.
اعتراضچی سوداگرلردن میرویس، خانم ملکزاد و ثناءاللهنینگ ایتیشیچه، اوشبو یولدن مینگلرچه کیشی نان ییدی و بوندن آلدین، هیچ بیر قیینچیلیک یوق ایدی، بیراق حاضر توسیقلنگن و سوداگرلر اعتراض بیلدیریش گه حقلی دیر و هیچ بولمهگنده نیمه اوچون اولرنی بیر ییل آلدین خبر بیرمهگن.
اوشبو سوداگرلرنینگ آگاهلنتیریشیچه، حکومت ایرته ساعت 9 گچه اولرنینگ ایستکلریگه دقت قیلمهگن صورتده، دادخواهلیک اوچون برچه مدنی و قانونی حقلریدن فایدهلنهدیلر.
سلاموطندارگه صحبت بیرگن مالیه وزیرلیگینینگ بویوک مالیه بیرووچیلر باشلیغی رشاد پوپلنینگ ایتیشیچه، قطیلر و بستهلر آرقهسیده بنگیوار ماده خطرلریدن اورنک یازوو و صورت بولمهگنده، تنباکو و بنگیوار ماده آلدینی آلیش قانونینینگ 20- مادهسی اساسیده، مالیه وزیرلیگی بنگیوار ماده بازارلرده صادر ایتیلیشی گه توسیق بولیب و سوداگرلرنی جریمه قیلهدی و بو مادهلرنی افغانستان گه آلیب کیلیشده هم ایسلنگن اورنکلر بولیشی لازم.
