«افغانستان خلق پارتیهسی» ناملی حزب موجودیتینی اعلان قیلیش ییغینیده نمایندهلر کینگشی بیرینچی اورین باسری همایون همایوننینگ ایتیشیچه، حکومت تشکیلاتیده قطار کیشیلر فساد کینگهییشی توغریسیده سعی و حرکت قیلهدیلر.
جمهورلیک ریاستی سیلاوی جریانیده جمهور رییسنینگ طرفدارلریدن بیری بولگن جناب همایون، جمهور رییس غنی دن حمایت قیلگنی اوچون عذر سورهدی. اونینگ ایتیشیچه، قانونی بیر حکومت حاکم بولیشی اوچون اشرف غنی دن حمایت قیلگن ایدی، بیراق حاضر پشیمان دیر. نمایندهلر کینگشی بیرینچی اورین باسرینینگ ایتیشیچه، حکومتنینگ رهبرلیک کرسیلریده اولتیرگنلرنینگ بالهلری افغانستاننی کوزلری بیلن کورمهگنلر.
شونینگدیک، اوشبو ییغینده نمایندهلر کینگشی اعضالریدن بیری نعیم لالی حمیدزی، تنیق سیلاو یولگه قوییلیشینی بیلدیردی.
جناب حمیدزینینگ ایتیشیچه، حکومت گه قرشی حرکت قیلمهیدیلر و بو حزبنی حکومت ایشلریگه اصلاحات کیریتیش اوچون تشکیل قیلگنلر. او، اسلامی حزب رهبری گلبدین حکمتیارگه اشاره قیلیب ایتیشیچه، بیرقطار کیشیلر باشقه مملکتلرنینگ نمایندهلیگیدن سوزلهیدی و باشقه بیرقطاری، خلق آرهسیده اتفاقسیزلیک تشلش اوچون سعی و حرکت قیلهدی.
حمیدزینینگ آگاهلنتیریشیچه، حکومت ایستهگن ایشلرینی عملگه آشیریش اوچون حرکت قیلهدیگن یالغیز تورت-بیش کیشی گه تیگیشلی بولمهیدی.
عین حالده، اوشبو ییغینده نطق سوزلهگن نمایندهلر کینگشی اعضاسی ظاهر قدیرنینگ اییتشیچه، جمهور رییسنینگ اطرافیدهگی کیشیلرنی کوریب حکومت ناتوغری یولگه کیتهیاتگنینی سیزگن؛ شو یوزهدن ارگ برابریده بیر تیم تشکیل قیلگن.
شونینگدیک، جناب قدیرنینگ ایتیشیچه، سیلاو کمپاینی جریانیده اشرف غنی دن حمایت بیلدیرگن، بیراق غنی خلق آوازینی معامله قیلگن. اونگه کوره، بو حزب ولایتی کینگشلر و جمهورلیک ریاستی گه کاندید بیرهدی و تیزلیکده جمهورلیک ریاستی اوچون نامزدلرینی اعلان قیلهدی.
اوشبو ییغین کابلده یولگه قوییلدی و بو ییغینده جنوبی ولایتلر جملهدن قندهار و خوست یشاوچیلریدن اونلرچهسی اشتراک قیلگن.
