.jpg)
بوگون «سهشنبه» کابلده افغانستان جلغوزه بیرینچی بیرلشمهسی آچیلدی.
اوشبو بیرلشمه باشلیغی یحیاخان زدراننینگ ایتیشیچه، افغانستان حکومتی بو میوه کوپهییشی توغریسیده سرمایه یاتقزیشی کیرهک. جناب زدران، حکومت دن پکتیا ولایتینینگ جلغوزهسی پروسس بولیشی، تولیداتی و سودا و ساتیغی کینگهییشی توغریسیده دقت قیلیشینی سورهدی. شونینگدیک او، کیلهجک یقین آرهده جلغوزه پروسس قیلهدیگن بیر ایشخانه آچیلیشیدن خبر بیردی.
بیرلشمه آچیلیش مراسمیده قتنشگن اجراییه باشلیغی عبدالله عبدالله، خصوصی بولیم گه حکومت همکارلیگی اوستیگه تأکیدلهدی. جناب عبدالله گه کوره، افغانستان دییرلی ایکینچیلیک ظرفیتیگه ایگه دیر و سرمایه یاتقزووچیلر بو بولیم گه دقت قیلیشی لازم.
.jpg)
اجراییه باشلیغینینگ ایتیشیچه، افغانستان تولیداتی یخشی بولگن، بیراق بو تولیدات باشقه مملکتلرنی آتیگه افغانستاندن تشقری ساتیلهدی.
بیریلگن رقملر اساسیده، حاضر مملکتده هر ییل 800 میلیون دالر ارزشی بولگن 33 مینگ تُن جلغوزه تولید بولهدی و بو جملهدن بیر مینگ تُنی افغانستان آرقهلی و قالگنی پاکستان آرقهلی باشقه مملکتلرگه صادر ایتیلهدی.