قندهاردهگی جبههلرده اوروش بیلن بند بولگن، عبدالشکورهم شنبه کونیده یوزبیرگن پارتلشدن امان قالمهگن . عبدالشکورنینگ اقتصاد اوقیگن احمد فیاض و اوچینچی صنف اوقووچیسی احمد پرویز اسملی اوغیللری بو پارتلشده اولگن.
هلاک بولگن بو ایکی یاشنینگ آتهسی عبدالشکورنینگ ایتیشیچه، مینگلرچه قینچیلیک بیلن بالهلرینی کته قیلگن بیراق ترورچیلر نیچه دقیقه گه حیات ده بولگن بار یاغینی اوندن آلگنلر.
عبدالشکورنینگ بوغزی تولیب حکومت ملازملرینی توجه سیزلیگیدن نالیدی. اونگه کوره فقرا لرنی باشیگه کیلگن الملرگه حکومتنینگ کوچ سیزلیگی سبب بولگن.
بوکیشی، ترورچیلیک هجوملر باشقه عایله اعضاسینی هلاک قیلیشیدن خواطر بیلدیریب، حکومت بویوک رسملری فقرالرینی بونچه لیک خواطرلرینی نیگه توشنمی دیلر؟ دیدی.
باله لرینینگ ماتمیگه اولتیرگن آته، ایش سیزلیک و نادارلیک سبب بالهلریمیز نجارلیک، هیداوچیلیک، عسکرلیک و باشقه قتیغ ایش لرگه یوز کیترگنینی ایتیب بیراق اوروش و ترورچیلیک مذکور ایشلرنی هم امکانیتی نی آلگن دیدی.
عبدالشکور نینگ اورتاغی بسم الله عظیمی اونینگ اویی گه کیلگن اونگه کوره احمد فیاض و احمد پرویز آته لریگه یاردم بیریش اوچون کوپ قینچیلیکلر بیلن درس اوقیدیلر بیراق بو امید لریگه ییتهآلمهدیلر.
