پکتیا مدنی فعاللری و ولایتی کینگش اعضالریدن بیرقطارینینگ ایتیشیچه، گردیز شهرینینگ خوفسیزلیگی تأمینلنیشی اوچون اوشبو شهرده باشقه 3 امنیتی حوزه تشکیل ایتیلیشی لازم.
پکتیا ولایت کینگشی اعضاسی تاجمحمد منگلنینگ ایتیشیچه، جمهور رئیس غنی مذکور ولایت گه سفر قیلگن چاغیده، حوزهلر تشکیل ایتیلیشی خصوصیده، ایچکی ایشلر وزیری گه بویروغ بیرگن ایدی؛ بیراق حاضرگچه بو ایش عملگه آشیریلمهگن.
ایچکی ایشلر وزیرلیگیدن تنقید قیلگن گردیز مدنی فعالی سیدجمال آصفخیلنینگ ایتیشیچه، جمهور رئیس غنی ایچکی ایشلر وزیرلیگی گه 3 امنیتی حوزه فعال قیلیشی توغرسیده بویروغ بیرگن؛ بیراق ایچکی ایشلر وزیرلیگی حاضرگهقدر هیچ بیر قیلمهگن.
شونینگدیک، پکتیا حاکمی شمیمخان کتوازینینگ ایتیشیچه، حاضر گردیز شهریده 2 امنیتی حوزه فعال دیر و بو شهرنینگ خوفسیزلیگی تأمینلنیشی اوچون ییترلی ایمس دیر.
جناب کتوازی، بو ولایت پولیسی کوپهیتیریلیشینی ضروری بیلیب ایتیشیچه، اوشبو موضوع نی نیچه مرته مرکزگه تکلیف قیلگن؛ بیراق حاضرگچه آچیق جواب قولگه کیریتمهگنلر.
شونینگدیک، پکتیا مرکزی گردیز یشاوچیلریدن بیرقطاری، بو ولایتده جنایی جرملر و ناتینچلیکلر کوپهیگنیدن شکایت قیلیب ایتیشیچه، اوشبو ولایتده امنیتی حوزهلرنی رقمی کوپهیتیریلیشی لازم.
