.jpg)
اوتگن کون «شنبه» کیچ قورون دهشتلی سیس نیچه مرته برچهنی قورقیتدی. جمهوریت کسلخانهسی یقینیدن دود کوتریلدی. آمبولانسلر سیسی برچه فرضیهلرنی حقیقتگه ییتکیزدی؛ ینه بیر بار پارتلش یوز بیردی. بو مرته هجومچیلر دولتی کسلخانهلردن بیرینی یقینیده ایچکی ایشلر وزیرلیگینی پارتلاوچی ماده دن توله بولگن آمبولانس موتری بیلن هدف قرار بیردی.
قیغو و الم گه باتگن یشاوچیلردن اونلرچهسی کابل شهریدهگی کسلخانهلرنینگ دروازهلرینی آرقهسیده صف تارتگنلر. بولردن بیری اوغلینینگ ساغلیگی یخشی بولیشینی کوتهدی، باشقه بیری آتهسی، آنهسی و یا-ده سینگلیسینینگ وضعیتی یخشی بولیشینی بیکلهیدی.
وزیراکبرخان کسلخانهسینینگ دهلیزلریده اوتگن کون کابل شهری صدارت تورت یولیده یوز بیرگن قانلی هجوم یرهدارلری بیلن صحبت اوتکزیش اوچون گیزدیم. داکترلردن بیری مینینگ یرهدارلر یاتقیزیلگن اتاققه آلیب باردی.
اوزینینگ بشیراحمد تانیشتیرگن یاشنینگ ایتیشیچه، اوتگن کون یوز بیرگن واقعهده آرقهسیدن یرهلنگن. بشیراحمد ساغلیک وضعیتینی قانیقرلی دیب و کسلخانه داکترلرینینگ حرکتیدن رضایت بیلدیردی.
.jpg)
نیچه بستردن او تامانده گلپرا آتلی بیر یاش یاتقیزیلگن. گلپرا هم اوتگن کون یوز بیرگن واقعهده باشی و قولیدن یرهلنگن.
اوتگن کون یوز بیرگن قانلی واقعهده هلاک بولگنلر و یرهلنگنلرنینگ وضعیتینی یخشی بیلیش اوچون وزیراکبرخان کسلخانهسینینگ داکترلریدن بیری عبدالمحمد بیلن اوچرهشدیم. اوشبو داکترگه کوره، صدارت تورت یولیده یوز بیرگن واقعهدن 13 جسد و 37 یرهدار بو کسلخانه گه آلیب کیلینگن.
جناب عبدالمحمد، یرهلنگنلرنینگ ساغلیک وضعیتینی قانیقرلی دیب ایتیشیچه، اوتگن کون یوز بیرگن واقعهده یرهلنگنلردن کوپینچهسی دارولنگنیدن سونگ رخصت قیلینگن.
وزیراکبرخان کسلخانهسیدن چیقهیاتگن چاغیم ده، یشاوچیلر گروه گروه یقینلرینینگ احواللرینی سورهش اوچون کسلخانه گه کیریشلرینی کوردیم. لیکن بو وضعیت قچانگچه دوام ایتهدی و بو ترورچیلیک هجوملرگه قچان نقطه قوییلهدی؟ بونگه زمان جواب بیرهدی.
