د میدانوردګو ځايي چارواکي وایي چې نن غرمه مهال د مرکز میدانښار اړوند په «ده افغانانو» سیمه کې د ملکيانو په ټونس ډوله موټر برید کړیده.
د میدانوردګو د والي ویاند عبدالرحمن منګل سلام وطندار ته وویل چې پهدې برید کې د یو پولیس په ګډون ۶ ملکیان وژل شوي او د یو پولیس په ګډون ۳ ملکیان ټپیان شويدي.
منګل وایي چې ټونس ډوله موټر له میدانښاره نرخ ولسوالۍ ته سپرلۍ لېږدوله چې د طالبانو تر برید لاندې راغلې ده.
بلهخوا د میدانوردګو د ولایتي شورا غړي شریفالله هوتک سلام وطندار ته وویل چې برید د ښوونځي د زدهکوونکیو د لېږد ـ رالېږد په ټونس ډوله موټر شوېده.
هوتک وایي چې په برید کې د یوې نجلې په ګډون ۴ زدهکوونکې وژل شوي او ۴ نورټپیان شوي.
نوموړي همدارنګه زیاته کړه چې د زدهکوونکیو موټر ته دوه کسه پولیس هم ورختلي وو او غوښتل یې چې له میدانښاره نرخ ولسوالۍ ته د زدهکوونکیو په موټر کې سفر وکړي؛ خو د لارې په اوږدو کې د طالبانو تر برید لاندې راغلي دي.
وسلهوالو طالبانو تراوسه پهدې اړه رسنیو ته څه نهدي ویلي.
