.jpg)
که څه هم له ژمنې سره ـ سره افغان کرکټبورډ د خپلې رسمي خبرپاڼې په متن کې د افغانستان کرکټ پریمیرلیګ سیالیو لهپاره د لوبغاړیو د خرڅلاو د ډرافټ نېټه اعلان نهکړه؛ خو بهرنیو رسنیو دا نېټه ډاګیزه کړه.
د کرکټ نیکسټ وېبپاڼې د راپور له مخې، د افغانستان APLT20 لیګ کې به د لوبغاړیو ډرافټ د سپټمبر په لومړۍ اوونۍ کې د عربي اماراتو په دوبۍ کې وشي.
یادې رسنۍ د عربي اماراتو په دوبۍ کې د دې لیګ له پرانیستغونډې وروسته دغه معلومات د افغانستان کرکټ پریمیرلیګ د پانګونې برخې همکاره «سنیکسر» شرکت د اجرایوي مشر هندي اشیش سیتي له خولي لیکلې دي.
د ښاغلي سیتي په وینا، د افغانستان په APLT20 لیګ کې د لوبېدو لهپاره تراوسه پورې د ویسټانډيزي کرېس ګیل، پاکستاني شاهد افریدي، نیوزیلینډي برینډن مکولم، پاکستاني مصباحالحق، سریلانکایي کمارسنګاکارا، بنګلهدېشي تمیم اقبال، سریلانکایي تیسارا پریرا او سویلي افریقايي عمران طاهر په څېر لوبغاړیو د لوبېدلو لهپاره نوملیکنه کړېده.
.png)
همدارنګه د افغانستان کرکټ پریمیر لیګ لهپاره په ځانګړې شوی وېبپاڼه کې د پاکستاني مشهوره الراونډر شعیب ملک انځور هم چاپ شویدی.
په همدې حال کې بیا له پورته یادو شویو بهرنیو لوبغاړيو هېڅ یوه هم تراوسه په رسمي یا ټولنیزو رسنیو کې د افغانستان په پریمیرلیګ کې نوملیکنې خبره نهده تایید کړې.
د دغه لیګ د پرانیستې، نوی لوګو ښودلو او د ۲ لوبډلو مالکانو ته د سندونو د سپارلو مراسم وړمه شپه د عربي اماراتو په دوبۍ کې ترسره شول چې په ترڅ کې یی د ۲ لوبډلو پکتیا او بلخ د مالکیت سندونه د هندي کمپنیوVROK اوLEGENDARY MAN ENTERTAINMEN مسوولانو ته په نه اعلان شوي قیمت او امتیاز وسپارل شول.
دغه راز د کرکټبورډ چارواکیو تمه وښوده چې ۳ پاتې لوبډلې کابل، ننګرهار او کندهار تراوسه نهدي پلورل شوي او راتلونکیو ورځو یا اوونیو کې به وپلورل شي.
.png)
د افغانستان APLT20 لیګ لهپاره باید ۵ واړه لوبډلې د راتلونکې سپټمبر تر پایه وپلورل شي او باید د همدې میاشتې تر پایه ګډونوالې لوبډلې له کورنیو افغان او بهرنیو لوبغاړیو څخه خپلې لوبډلې د سیالیو لهپاره تیارې کړي.
ټاکل شوېده، د افغانستان دغه لومړی پړاو ۲۰ اوریز لیګ به د اکټوبر په ۵مې نېټې پیل شي او په ترڅ کې به یې د اتلې لوبډلې تر اعلانه ټولټال ۲۳ سیالۍ وشي.
د افغانستان کرکټبورډ اجرایوي مشر شفیقالله ستانکزی وایي، پلان لري چې د افغانستان APLT20 لیګ په راتلونکیو څوو کلونو کې د نړۍ د ۳ مخکښو کرکټلیګونو په کتار کې ودروي او له افغان پانګوالو یی وغوښتل چې د لوبډلو په اخېستلو کې پانګونه وکړي.
