د ملي جنیش ګوند معترضانو د۱۶ مې ورځې لهپاره په بلخ ولایت کې له څو ساعته لاریون وروسته د سوداګریزو توکو پرمخ د حیرتان ټرانزیټي بند لویه لاره وتړله.
د معترضانو په مشرۍ سید شمسالدین سادات وايي، که تر راتلونکیو څوو ورځو يې غوښتنو ته مثبت ځواب ورنهکړل شي؛ د کابل بریښنا به هم پرې کړي.
خو په سمنګانو کې معترضانو د والي دفتر او څو دولتي ادارې تړلې دي. د لاریون یو سمبالوونکی محمدعوض بیګ اوغلي وايي چې د پرلت درېیمه خېمه يې د سمنګانو والي دفتر دروازې په وړاندې ودروله.
د سمنګانو معترضانو خبرداری ورکړ، که تر دوو ورځو پورې يې غوښتنې ونه منل شي؛ د کابل برېښنا به پرې کړي او ښځې او نارینه به د کابل پر لور لاریون وکړي.
خو په جوزجان کې د معترضانو خبرداری تر دې هم تند و او ویل یې، که تر درېیوو ورځو پورې جنرال دوستم هېواد ته راستون نهشي او نظامالدین قیصاري ازاد نهشي؛ د نظام پر ضد به قیام وکړي.
د فاریاب معترضینو هم خبرداري سره د جنرال دوستم بېرته راستنېدو او نظامالدین قیصاري خوشې کولو غوښتنه وکړه.
د هېواد په شمال او شمالختیځو ولایتونو کې د حکومت ضد اعتراضونه وروسته له هغو چې په فاریاب کې د جنرال دوستم ځانګړی استازی او د ولسي پاڅونوالو قوماندان نظامالدین قیصاري ونیول شو؛ پیل شول چې د ۱۶ ورځو په تېرېدو سره لا هم دوام لري.
