د جوزجان د امنیې قوماندانۍ د امنیت امر عبدالحفیظ خاشې سلاموطندار ته وویل، مولوي حبیبالرحمان او مفتي نعمتالله د داعش دوه نومول شوي مشران له خپلو ۲سوو کورنیو او بهرنیو جنګیالیو په ګډون د دې ولایت په درزاب ولسوالۍ کې امنیتي ځواکونو ته تسلیم شول.
د ښاغلي خاشې په وینا، د دې ولسوالۍ په نورو سیمو کې هم امنیتي ځواکونو ته د داعش تسلیمېدل جریان لري.
یوې باوري سرچینې وویل، له دولت سره په یوځای شویو داعشیانو کې ښځې هم شاملې دي.
هاخوا بیا طالبانو د یوې پیغام په خپرولو سره ویلي چې د داعشیانو له لوري د درزاب او خوشتپې ولسوالۍ له نیولو وروسته ۱۰۰ داعشیان د دوی لیکو ته ورغلي دي.
