.jpg)
د راروانو ټاکنو لهپاره د خلکو د نوملیکنې کمرنګي او د هېواد په بېلابېلو برخو کې دولت د وسلهوالو مخالفانو پراخ حضور نن د ولسي جرګې د بحث موضوع وه.
د ولسي جرګې ځېنې غړي وايي چې په ځېنو سیمو کې د دولت د وسلهوالو مخالفانو حضور د دې لامل شوی چې خلک د ټاکنو لهپاره نوملیکنه ونهکړي او پېژندپاڼې وانهاخلي.
د ولسي جرګې رییس عبدالروف ابراهیمي وايي، د ټاکنو لهپاره د نوملیکنې په مرکزونو باندې د دولت د وسلهوالو مخالفانو کنټرول؛ د ټاکنو مشروعیت له پوښتنې سره مخ کړیدی. د ابراهیمي په خبره ټاکنې یو ملي بهیر دی او د دې بهیر مشروعیت د خلکو پراخ ګډون پورې اړه لري.
ښاغلی ابراهیمي زیاتوي، د دې ستونزې په اړه د ولسي جرګې د چهارشنبې غونډې ته امنیتي مسوولان ورغوښتل شويدي.
د رایهورکوونکیو نوملیکنې او د پېژندپاڼو د وېش مرکزونو د امنیت نهشتوالي خلک او ولسي جرګه اندېښمن کړېده. معلومه به شي چې امنیتي مسوولان د ولسي جرګې د چهارشنبې ورځې په غونډې کې دغو اندېښنو ته څه ځواب وايي.
