د غزني ولایتي شورا ځېنو غړيو او د دې ولایت سلګونو اوسېدونکیو نن ورځ د ښار په یو واټ کې د اعتراض په توګه راټول شوي وو او ویې ویل، که د ولایت په لوړیو پوړلونو کې سم لاسي جدي بدلون رامنځته نه شي غزني به سقوط وکړي. دوی وویل، دمګر د دې ولایت د ۱۰ ولسوالیو مرکزونه د سقوط له ګواښ سره مخ دي.
د ولایتي شورا غړی حسن رضا یوسفي وايي، د غزني ټولو امنیتي پېښو راپورونه په ناسم او سرچپه تو مرکز ته ورکول کېږي، او خلک له دې زیات د خپلو اولادونو د وژل کېدو ننداره او د ټاکنو په پروسه کې ګډون نه شي کولی.
خو د غزني د والي ویاند محمدعارف نوري دا څرګندونې ردوي او وايي، په دې وروستیو کې د غزني امنیتي حالت تېر ته په کتو ښه شوی دی. نوموړی زیاتوي، امنیتي ځواکونه د امنیت ټينګښت په برخه کې ژمن دي او دغه راز له خلکو غواړي چې د ټاکنو په بهیر کې پراخ ګډون وکړي.
