د عامې روغتیا وزارت ویاند وحیدالله مایار وايي، تېرو ۲۴ ساعتونو کې ۱۲ ولایتونو کې د کورونا ویروس تازه ۵۹۱ شکمنې پېښې ازمایل شوي چې ۱۷۹ یې مثبتې دي او په دې سره ټول هېواد کې په دې ناروغۍ د اخته کسانو شمېر ۲۴۶۹ ته رسېږي.
له دغو ۱۷۹ تازه پېښو تر ټولو ډېرې ۷۵ کابل، ۲۳ هرات او ۱۸ بلخ ولایت کې ثبت شوې دي.
د عامې روغتیا وزارت مسوولان وايي، هېواد کې کورونا ویروس په چټکۍ سره د خپرېدو په حال کی دی او خلک باید په دې اړه وقایوي تدابیر جدي مراعت کړي.
افغانستان کې د کورونا ویروس له کبله ۷۲ کسان مړه شوي او ۳۳۱ نور بېرته روغ شوي دي.
