.jpeg)
اروپا بیرلیگی بیر اعلامیه نشر قیلیب طالباندن تینچلیک کیلیشوونامهسی اساسیده، زوروانلیکلرنی کمهیتیریشینی سورهگن. اروپا بیرلیگی نینگ طالبان گه ایتیشیچه، تینچلیک سوزلشوولری خصوصیده حقیقی اراده نی کورسهتیب و زوروانلیکلرنی کمهیتیریشی کیرهک.
شونینگدیک، اروپا بیرلیگی طالباندن آتیشکیسین توغریسیده «معنالی» بحثلرده اشتراک قیلیشینی ایستهگن، چونکه حاضر توزهتووچی و صمیمی روحیه نی نمایش گه قوییش زمانی کیلگن.
عین دمده، اسلامی همکارلیکلر تشکیلاتی نینگ باش کاتبی، افغانستاندهگی بوتون طرفلردن دایمی آتیشکیسین و زوروانلیکلر کمهییشی اوچون همکارلیک قیلیشلرینی سورهگن.
عین حالده، مملکت ولایتلریدن بیرقطاری ده جدی شکلده اوروش دوام ایتماقده. تخار، زابل، هلمند، بدخشان، فاریاب، بغلان، دایکندی، جوزجان، غور و فراه ولایتلریده خوفسیزلیک مسؤوللری نینگ ایتیشلریچه، اوتگن اوچ کونده مذکور ولایتلرده طالبان نینگ گروهی هجوملری و آتیشمهلر نتیجهسیده خوفسیزلیک کوچلریدن 60 تهسی هلاک و باشقه 48 تهسی یرهلنگن.
