مملکت ملی خوفسیزلیک ریاستی نینگ سابق باشلیغی رحمت‌الله نبیل توییتری بیر پیام آرقه‌لی یازیشیچه، حقانی ترماغی نینگ کلیدی اعضاسی و انس حقانی نینگ تاغه‌سی مالی خان، افغانستان قماقخانه‌سیدن قوییب یوباریلگنیدن کیین ترورچیلیک فعالیت‌لردن نظارت قیلیش اوچون پاکستان کیتگن.
بوندن آلدین، جناب نبیل حقانی ترماغی نینگ اوچ کلیدی اعضاسی قوییب یوباریلیشی دشمن نینگ صفی نی کوچ‌لنتیریشی توغریسیده آگاه‌لنتیرگن ایدی.
مالی خان حقانی ترماغی نینگ کلیدی اعضاسی و انس حقانی نینگ تاغه‌سی دیر کیم حقانی ترماغی نینگ مالی مسئولی ایکن/دیر. او، انس حقانی و حافظ رشید دن اوچ ییل آلدین قویاش 1390- ییل ده اوشلب آلینگن ایدی.
جمهوررئیس غنی میلادی 2019- ییل 12- نوامبر تصویری بیر پیام آرقه‌لی، ولی خان اوغلی حاجی مالی خان، محمد عمر اوغلی عبدالرشید و جلال‌الدین حقانی اوغلی انس حقانی، طالبان بیلن یوزمه‌یوز مذاکره گه زمینه یره‌تیش اوچون افغانستان بوییچه آمریکا بیلیم یورتی نینگ ایکی اوقیتووچیسی نی قوییب یوباریش بدلی ده قماقخانه‌دن قوییب یوباریلیش‌لرینی اعلام قیلدی.
جناب غنی نینگ ایتیشیچه، طالبلرنینگ اوشبو کلیدی محبوس‌لری طالبان گروهی بیلن یوزمه‌یوز مذاکره قیلیش گه زمینه یره‌تیش اوچون، افغانستان نینگ خلق‌ارا همکارلری اینیقسه آمریکا نینگ یقیین و هرتامانلمه مصلحتی بیلن قماقخانه‌دن قوییب یوباریله‌دی.
رحمت‌الله نبیل، پاکستان حربی‌لری نینگ استخبارات تشکیلاتی نی ینگی باشلیغی افغانستان ده قیلگن سفری باعث انس حقانی، مالی خان و حافظ رشید قوییب یوباریله‌دی دیگن ایدی.
انسانی حقلردن حمایت قیله‌دیگن نهادلر کابل ده قانلی هجوم‌لرگه قولی بولگن انس حقانی و اونینگ ایکی همکاری نینگ قوییب یوباریلیشی نی ناتوغری سیاسی بیر اشتباه، ناقانونی و سونگی ایکی دهه ده‌گی ترورچیلیک قربانی‌لریگه اهانت قیلیش دیگن ایدیلر.
