ارزگان محلی مسئوللری طالبان هجومی باعث اردو عسکرلریدن 9 ته‌سی نینگ هلاک ایتیلگنیدن خبر بیرگن.
سلام‌وطندارگه صحبت بیرگن ارزگان حاکمی سوزلاوچیسی زرگی عبادی نینگ ایتیشیچه، اوتگن کون (جمعه 26- ثور) طالبان جنگریلری هلمند ولایتیدن ارزگان گه کیلگن مذکور گروه نینگ «لایزری» قطعه اعضالری بیلن بو ولایت نینگ دهراود تومنیده جایلشگن «جیتو کمپی» اوستیگه هجوم قیلگن.
اونگه کوره، بو هجوم‌ده اردو کوچلریدن 9 ته‌سی هلاک و باشقه 6 ته‌سی یره‌لنگن.
جناب عبادی نینگ ایتیشیچه، هوایی کوچلر بو آتیشمه نی کنترول قیلیش اوچون حادثه محلی نی بمبارد قیلگن کیم نتیجه‌ده، 21 طالب هلاک و باشقه 8 طالب یره‌لنگن.
ارزگان حاکمی سوزلاوچیسی نینگ کوپه‌یتیریشیچه، طالبان جنگریلری نینگ جسدی قورال‌لری یبلن حاضرگچه حادثه محلی‌ده دیر.
ارزگان امنیتی مسئوللری حاضرگچه بو توغریده رسمی شکلده فکر بیلدیرمه‌گن.
شونینگدیک طالبان هم بو هجوم توغریسیده هیچ بیر نرسه دیمه‌گن.
