اوتگن کون (جمعه 16- جوزا) افغانستان تینچلیگی بوییچه آمریکا خاص نماینده‌سی زلمی خلیلزاد، سفرلری نینگ ینگی باسقیچی نی قطر، پاکستان و افغانستان گه باشله‌دی.
آمریکا تشقی ایشلر وزیرلیگی بیر خبرنامه آرقه‌لی ایتیشیچه، خلیلزادنینگ بو دور سفرلرینی اصلی محوری افغانستانلیکلرارا سوزلشوولرگه زمینه یره‌تیش اوچون افغانستان اوروش تامان‌لری آرقه‌لی بیر کیلیشووگه قول تاپیش دیر.
آمریکا تشقی ایشلر وزیرلیگی نینگ خبرنامه‌سیده کیلیشیچه، جناب خلیلزاد سفرلری نینگ بو دوری‌ده افغانستان‌ده اوروش تامان‌لری آرقه‌لی وعده بیریلگن موضوعلر جمله‌دن زوروانلیک‌لرنی کمه‌یتیریش و محبوسلر قوییب یوباریلیشی نی تیکشیره‌دی.
آمریکا و طالبان گروهی آره‌سیده امضالنگن کیلیشوونامه اساسیده، ایکی تامان محبوس‌لری قوییب یوباریلگنیدن کیین افغانستان حکومتی و طالبان گروهی آره‌سیده تینچلیک سوزلشوولری باشله‌نیشی گه قرار قیلینگن.
بیراق افغانستان حکومتی طالبان گروهیدن، افغانستانلیکلرارا سوزلشوولر باشله‌نیشی اوچون زوروانلیک‌لرنی کمه‌یتیریش‌لرینی سوره‌گن.
