اولکه عامه ساغلیک وزیری فیروزالدنی فیروز، ایریم سرطان کسللیگیگه یولیقگنلرسانی 20 مینگ کیشیگه ایتگن دیدی. فیروز جنابلری سهشنبه کونی دنیا بوییچه سرطان کسللیگی نینگ آلدینی آلیش دیگن مراسمیده افغانستانده سرطان کسللیگی نینگ مداوا قیلیش مرکزی توزهلیش اوچون حرکت قیلگنیدن خبر بیردی.
اونگه کوره بو وزیرلیک سرطان کسللیگیدن خلقنی آگاهلنتیریش اوچون اورگهتیشلری نی یوقاری ایلتماده. فیروز جنابلری خلق سرطان کسللیگیگه قرشی کوره شیش اوچون ساغلیک وزیرلیگی بیلن یاردم بیریشلرینی ایستهدی. ساغلیک وزیرلیگی نینگ باشلیغیگه کوره آگاهلنتیریش برنامهلری قول اوستیگه آلینگن تا خلق بو کسللیک علیهده کوره شیش اوچون جدی اقدام قیلسهلر.
عامه ساغلیک وزیری یشش اوچون یخشی و سالم شیوهلرکوزگه توتیلگن، وقتینچه مداوا بولیش، سرطان کسللیگی آلدینی آلیش ملی برنامه لریگه اوزگریش کیلتیریش، سرطان کسللیگیگه یولقیگنلر آلدینی آلیش اوچون خلق نینگ اجتماعی حیاتیگه اوزگریش کیلتیریش و یشش کیفیتینی یوقاری ایلتیش برنامهلردیرکه سرطان کسللیگینینگ 25 فایز آلدی آلینهدی دیدی.
ینه بیرتماندن ایسه افغانستاندهگی جهان ساغلیک سازمانی نمایندهسی ریچارد پیپرکارن، شرقی مدیترانهده سرطاننی اولدیره دیگن تورتته دلیللردن بیری عنوان قیلهدی و عایدی آز بولگن اولکهلرده سرطان کسللیگی 60 فایزگه ایته دی دیگن.
اونگه کوره، کوپینچه عیاللر سینه سرطانیگه و ایرککلر ایسه اوپکه و مثانه سرطانیگه یولیقه دیلر. حاضرگه قدر افغانستانده سرطان کسللیگیگه یولیقگنلر سانی انیق ایمس، اما معده، مری، اوپکه و آغیز حجرهلری نینگ سرطانی کوپینچه معمول ایکن.
میلادی2010- ییلده ترقه تیلگن گزارش اساسیده افغانستانده تنباکو سرطانی 9.8 فایز ایکن.
ساغلیک وزیرلیگی نینگ قیدیرووی اساسیگه، حاضرگچه افغانستاندهگی 20 مینگ سرطان کسللیگیگه یولقیگنلردن 16 مینگ کیشی اوز جانلرینی قولدن بیرگن. انه شو حالده ساغلیک وزیرلیگی نینگ مقاماتیگه کوره شو توغریده فعالیت کورسه تیب کیلهدیگن نهادلر اویغورلیک بیلن ایشلهگن صورتده؛ اولکه ده سرطان کسللیگی نینگ آلدی آلینیشی ممکن.
داکترلرگه کوره ارثی بولگنلیگی، ناتوغری اوقاتلر، هوا بوزوغلیگی، بنگیوار ماده لریدن استفاده قیلیش و یشش شیوهلری مناسب بولمه گنلیگی سرطان کسللیگیگه یولیقیش عاملری ایکن.
سرطان کسللیگی و کتته هزینهلر
اولکه بیرینچی عیالی بی بی گل غنی؛ بومراسمده خلق حیاتی اوچون سرطان کسللیگی جدی تهدیلردن دیب عنوان قیلهدی و اولکهده بوکسللیک مداوا بولیشی جوده هم آز دیدی. بیگیم غنیگه کوره، اولکه ده امکانی بولمه گنلیگی سبب سرطان کسللیگیگه یولیقگنلر تشقی اولکهلرده کیتیب، کتته هزینه لر بیلن مداوا بوله دیلر. بیگیم غنی اولکه ده سرطان کسللیگی نینگ تشخیص بولیشی اوچون مرکزلر تأسیس بولیشی گه تاکید قیلیب، بوکسللیک تشخیص و مداوا بولیشینی مهم بیلهدی.
اولکهده سرطان کسللیگی نینگ تشخیص بولمه گنلیگی، سرطان کسللیگیگه یولیقگن قشاقلرنی هم تشقی اولکه لرگه مداوا قیلیش اوچون کیتیشگه مجبور قیلگن. سرطان کسللیگی نینگ مداوا بولیشی، زماننی اوز ایچیگه آلهدی و هزینه کوترهدی. افغانستان خلقی نینگ قشاقلیگیگه قرهگنده کوپینچه سرطان کسللیگیگه یولقیگنلر مداوا قیلیشگه کوچی ایتمه گنلیگی باعث اوله دیلر.
انه شو حالده سرطان کسللیگی نینگ آلدینی آلیش اوچون تاثیرلی ساغلیک سیستمی نینگ کوچه یتیریش، خواطر فکتورلرینی آزهیتیریش، واکسین تطبیق بیریش کوپهیتیریلیشی، تیکشیریش و تشخیص بولیشگه قول تاپیش، یخشی خدمات و کسل خانهلر ایشلاوچیلری نینگ ظرفیتینی یوقاری ایلتیش سرطان کسللیگینی آلدینی آلیش اوچون جهانی ساغلیک سازمانی نینگ پیشنهادلریدن ایکن.
