/taliban.jpg)
قندهار محلی مسئولری‌نینگ ایتیشیچه، طالبلر برشنا شرکتی‌دن کجکی بندی‌نینگ کوپینچه سوو و برقی نی نظارتلریگه بولگن منطقه‌لرده اختصاص بیریشی نی سوره‌گن، بیراق برشنا شرکتی طالبلرنینگ ایستگی نی رد قیلگن.
سلام‌وطندارگه صحبت بیرگن قندهار حاکمی‌نینگ میدیا مسئولی عزیزاحمد عزیزنینگ ایتیشیچه، طالبلر برشنا شرکتی تامانیدن ایجابی جواب آلمگنلری سبب، قندهار و هلمندنینگ برقی نی کیسگن.
قندهار حاکمی‌نینگ میدیا مسئولی کوپه‌یتیریشیچه، طالبان جنگریسی هلمند ولایتی‌نینگ سنگین تومنیده برشنا شرکتی‌نینگ 7 ایشلاوچی‌سینی آلیب کیتگن. عزیز جنابلری‌گه کوره، هلمند و قندهارنینگ حاکمی طالبلرنینگ قیلگن ایشلری‌گه عکس‌العمل بیلدیریب، طالبان نظارتیده‌گی منطقه لرنینگ برقی نی کیسیش‌گه قرار قیلگن.
/برق-09-2.jpg)
قندهارنینگ قطار یشاوچی‌لری برق کیسیلگنی‌دن خواطربیلدیریب ایتیشلریچه، هوا ایسیق‌لیگی و برق یوق‌لیگی اولرنینگ طاقتی نی تاق قیلگن. اولرگه کوره، برق برچه‌گه تیگیشلی دیر و اولردن سیاسی استعمال بولمسلیگی کیره‌ک.
قندهار برشنا شرکتی‌نینگ مسئولی امان‌الله ایوب فاروقی‌نینگ ایتیشیچه، قندهار و هلمندنینگ برقی قیته دن وصل ایتیلیشی توغریسیده، طالبلربیلن سوزلشوولر باشلنگن. فاروقی جنابلری‌گه کوره، قندهارنینگ هواسی جوده‌هم ایسیق و اولر جنراتورلر آرقلی مذکور ولایت گه ییترلیچه برق تامین قیلالمه‌یدیلر.
قندهار محلی مسئولری‌نینگ معلوماتی اساسیده، بو ولایت 150 میگاوات برق گه ضرورتی بار و اوندن 20 میگاواتی کجکی برق بندی دن و بیر قنچه‌سی جنراتورلرنینگ برقی آرقلی تامین لنه‌دی.
