افغانستان ساغلیقنی سقلش وزیرلیگی نینگ ایتیشیچه، اوتگن 24 ساعت جریانیده کرونا ویروس گه شبههلی بیر مینگ و 301 کیشی دن آلینگن نمونه سیناویده 658 تهسی نینگ نتیجهسی مثبت تشخیص قیلینگن.
بوگون «پنجشنبه، 29- جوزا» ساغلیقنی سقلش وزیرلیگی نینگ عامهوی علاقه مسؤولی سعیدالدین جامی نینگ ایتیشیچه، اوتگن 24 ساعت جریانیده رویخط گه آلینگن ینگی واقعهلر شامل مملکت ده کرونا ویروس گه چلینگنلرنینگ سانی 27 مینگ و 532 کیشی گه ییتیشگن.
اونگه کوره، اوتگن 24 ساعت جریانیده کرونا ویروس کسللریدن 42 تهسی جان بیرگن و بو رقم شامل مملکت ده کرونا ویروس باعث جان بیرگنلرنینگ سانی 546 کیشی گه آشگن.
شونینگدیک، اوتگن بیر کیچه-کوندوز ده کرونا ویروس کسللریدن بیر مینگ و 502 کیشی نینگ قیته ساغهیگنی معلوم قیلینگن و بو رقم شامل قیته ساغهیگنلرنینگ سانی 7 مینگ و 660 کیشی گه ییتیشگن.
جناب جامی نینگ ایتیشیچه، اوتگن 24 ساعت جریانیده رویخط آلینگن 658 ینگی واقعه دن 415 تهسی کابل ده، 62 تهسی بامیان ده، 40 تهسی تخار ده، 27 تهسی قندهار ده، 22 تهسی قندوز ده، 21 تهسی لوگر ده، 17 تهسی بغلان ده، 14 تهسی پنجشیر ده، 10 تهسی دایکندی ده، 7 تهسی پروان ده، 6 تهسی بلخ ده، 6 تهسی زابل ده، 5 تهسی غور ده، 4 تهسی فاریاب ده و 2 تهسی هم پروان ده قید ایتیلگن.
عین حالده، هرات ولایتی بوییچه ساغلیقنی سقلش ریاست سوزلاوچیسی محمدرفیق شیرزی نینگ ایتیشیچه، اوتگن 24 ساعت جریانیده اوشبو ولایتده کرونا کسللریدن 10 تهسی جان بیرگن.
شونینگدیک، آلتی کوندن بویان هرات ولایتیده کرونا ویروس نی تشخیص قیلووچی کیت یوقلیگی باعث، کرونا ویروس گه شبههلی کیشیلردن هیچ بیر نمونه سیناودن اوتکزیلمهگن.
هرات یشاوچیلری، سیناو کیتلری ییتیشمهگنیدن تنقید قیلیب ایتیشیچه، اوتگن آلتی کون جریانیده اوشبو ولایتده کرونا ویروس گه شبههلی اونلرچه کیشی جان بیرگن.
