فراه ولایتی نینگ محلی رسمیلری نینگ ایتیشیچه، هرات-فراه شاه یولیده روی بیرگن ترافیک حادثهسیده 14 کیشی عالمدن اوتگن و 41 کیشی یرهلنگن. فراه والیسی نینگ سوزلاوچیسی محمدناصر مهری نینگ سلاموطندارگه ایتیشیچه، حادثه بوگون (یکشنبه) ایرتهلب فراه ولایتی گلستان تومنی نینگ توت منطقهسیده 303 تیپلی بیر موتر کانتینر موتری بیلن توقنه شیب حادثه روی بیرگن.
جناب مهری نینگ ملوم قیلیشیچه، حادثهده قربان بولگنلر ارا عیاللر و بالهلر هم شامل.
اونگه کوره، حادثهده یرهلنگنلر فراه و هرات ولایتی کسلخانهلریده مداوا بولیش اوچون انتقال بیریلگن و یرهلنگنلردن کوپیسینی ساغلیق وضعیتی یمان ایتیلگن.
رسمیلرگه کوره، 303 تیپلی یولاوچی تشوچی موتر «احمدشاه ابدالی» ترانسپورتی شرکتیگه تیگیشلی بولیب کابل تامان کیلماقده ایکن.
فراه والیسی نینگ سوزلاوچیسی، هیداوچیلرنینگ تیز هیدهشی و احتیاط سیزلیکلری دلیل بونقه حادثهلر یوز بیرهدی.
هرات حوزهیی کسلخانهسی نینگ سوزلاوچیسی محمدرفیق شیرزی نینگ ایتیشیچه، کسلخانه نینگ سیار داکترلری و ترافیک مدیریتی تیکشیروو گروهی حادثه ییریگه یوباریلگن.
اوتگن کون هم بیر 303 تیپلی یولاوچی تشوچی موتر نیمروز ولایتی چخانسور تومنی نینگ کمینگاه منطقهسیده قولهب توشیش نتیجهسیده، 4 کیشی جان بیریب 36 کیشی یرهلنگن ایدی. نیمروز والیسی نینگ سوزلاوچیسی احمدعرب نینگ ایتیشیچه، حادثهده یرهلنگنلر ارا هم عیال و بالهلر موجود ایکن.
