مملکت شمالیده جایلشگن بغلان ولایتینینگ محلی بلند مرتبهلی رسمیلری، قوراللی طالبلر ولایت ایکینچیلرینی مخدر مادهلر ایکیشگه ترغیب قیلگنلر دیگنلر.
بغلان پولیس قوماندانلیگینینگ امنیت آمری عبدالرشید بشیر بو قبیل سوزلرینی تیلگه آلیب، « قوراللی طالبلر اشغالیده بولگن منطقه اهالیسیگه هیچ قندهی ظلمنی هم ایهمیدی" دیگن.
بیر قنچه ایکینچیلرنینگ سوزلریگه کوره، قوراللی طالبلر تیزیمی آغدیریلیب ینگی حکومت وجودگه کیلگندن بویان ایریم منطقهلریده کوکنار ایکیش صفر بولگن ایدی؛ لیکن، جنگری طالبلرنینگ عملیاتی آشیشی بیلن دهقانلر قیتهدن مخدرمادهلر ایکیشگه یوز کیلتیرگنلر. اولر دند غوری و دند شهاب الدین ولایتنینگ باشقه منطقهلریدن کوره کوپراق تریاک ایکیلگن لیگینی تیلگه آلگنلر.
اولر، قوراللی طالبلر مخدر مادهلرنی قاچاق ایتیش بیلن اوز حربی جهازلرینی تامین قیلهدی دیگنلر. هر دایم هم طالب انه شو یول بیلن اوزینی تامین قیلگن لیگی ایتیب کیلینگن.
بغلان مخدر مادهلرگه قرشی کورهشیش ادارهسی نینگ باشلیغی فضل الحق اندارابی، مساله توغریسیده خبر سیز ایکن لیگینی ایتیب، اوتگن ییللرگه قرهگنده جاری ییل مخدر ماده لر ایکیش میزانی آشگن لیگینی اعتراف قیلگن.
جناب اندرابی، بغلان ولایتیده مخدر مادهلرنی ایکیش میزانی آشگن لیگینینگ بیرنچی عاملی ناتینچ لیک لر دیگن.
او، حاضرگی کونده ده صلاح، پلحصار، جلگه، برکه و تالهوبرفک تومنلریده 190 هکتار ییرگه کوکنار ایکیلگن دیگن. قوماندان مذکور منطقهلرنینک کته قسمی جنگری طالبلر اشغالیده بولگن لیگینی ایتگن.
جنگری طالبلر تامانی هنوزچه بو توغریده بیرار نرسه دیمهگن.
عین حالده، اخیرگی وقتلرده ترقه تیلگن گزارش لرده جاری ییل باشقه ییللرگه قره گنده افغانستانده مخدر مادهلرنی ایکیش میزانی کمیگن لیگی ایتیلگن ایدی.
