غور ولایتی کسلخانه داکترلری ایشدن قول تارتیشگن. اوشبو داکترلر مذکور کسلخانه‌ده ساغلیک خدمتلر ترقه‌تیش نی توخته‌تیب ایتیش‌لریچه، ایش جریانیده امنیت‌لری تأمین‌لنمه‌یدی و هر دایم امنیتی کوچلر و کسل‌لرنینگ پایوازلری آرقه‌لی حقارت‌لنیب و کلتکلنه‌دیلر.
غور ولایتی کسلخانه باشلیغی محمدنذیر پارسا نینگ اورغولب ایتیشیچه، دولت داکترلر و دارولش مرکزلری نینگ خوفسیزلیگی نی جدی شکلده تأمین قیلمه‌گونگه قدر، ایش قیلمه‌ی و کسل‌لرنی دارولمه‌یدیلر.
اوتگن کیچه زوروانلر و بیر کسل نینگ پایوازی آرقه‌لی کلتکلنگن غور ولایتی کسسلخانه داکترلریدن بیری ضیاالدین ضمیر نینگ ایتیشیچه، ینه بیرار کیشی آرقه‌لی کلتکله‌نیشدن هر لحظه قورقه‌دی.
مذکور داکترلرنینگ ایتیش‌لریچه، قیینچیلیک‌لرینی مسئول نهادلر بیلن نیچه مرته اورته گه قویگنلر، بیراق اولرنینگ خوفسیزلیگی تأمین‌لنیشی توغریسیده حاضرگچه هیچ قنده‌ی اقدام بولمه‌گن.
غور امنیتی مسئوللری حاضرگچه بو توغریده سوزلش گه حاضر بولمه‌گن.
بیراق غور حاکمی اورین‌باسری حبیب‌الله رادمنش نینگ ایتیشیچه، محلی اداره داکترلرنینگ ایسته‌کلریگه توجه قیله‌دی.
رادمنش گه کوره، بو موضوع نی امنیتی مسئوللر بیلن اورته گه قویگنلر و داکترلرنینگ کلتکله‌گنلر بیلن قانونی یول باریله‌دی.
شونده‌ی بیر حالده، یالغیز غور ایمس بلکیم کابل ده هم داکترلر کسلخانه‌لر اینیقسه کرونا کسل‌لریگه خاص افغان-جاپان کسلخانه‌سیده کسل‌لرنینگ پایوازلری آرقه‌لی کلتکلنگن کیم بو ایش ساغلیک وزیرلیگی مسئوللری نینگ جدی تنقیدی گه روپه‌رو بولگن.
مذکور وزیرلیک نینگ ایتیشیچه، داکترلرنینگ کلتکله‌ش دوام تاپگن صورتده، اولر ایشدن قول تارتیش‌لری ممکن.
