افغانستان ساغلیقنی سقلش وزیرلیگی نینگ ایتیشیچه، اوتگن 24 ساعت جریانیده کرونا ویروس گه شبهه‌لی 668 کیشی دن آلینگن نمونه سیناویده 18 ولایتده 239 کیشی نینگ نتیجه‌سی مثبت تشخیص قیلینگن.
بوگون «دوشنبه، 16- سرطان» مذکور وزیرلیک رسمی‌لری نینگ ایتیشیچه، اوتگن 24 ساعت جریانیده رویخط گه آلینگن ینگی واقعه‌لر شامل مملکت ده کرونا ویروس گه چلینگن‌لرنینگ سانی 33 مینگ و 190 کیشی گه آشگن.
اوشبو وزیرلیک که کوره، اوتگن بیر کیچه-کوندوز جریانیده کرونا ویروس کسل‌لریدن 34 ته‌سی جان بیرگن و باشقه 659 ته‌سی قیته ساغه‌یگن.
ساغلیقنی سقلش وزیرلیگی تامانیدن بیریلگن رسمی رقم اساسیده، حاضرگه‌قدر مملکت ده کرونا ویروس کسل‌لریدن 898 ته‌سی جان بیرگن و باشقه 20 مینگ 103 ته‌سی یخشی بولگن.
مذکور وزیرلیک نینگ کوپه‌یتیریشیچه، مملکت بویلب کرونا ویروس دن 76 مینگ و 415 نمونه سیناودن اوتکزیلگن و بو آره‌دن 12 مینگ و 267 کیشی نینگ وجودی ده بو ویروس فعال دیر.
شونینگدیک، بوتون دنیاده حاضرگه‌قدر 11 میلیون و 563 مینگ دن آرتیق کیشی کرونا ویروس گه چلینگن و بو جمله دن 537 مینگ دن آرتیغی جان بیرگن و باشقه 6 میلیون 538 مینگ دن آرتیغی قیته ساغه‌یگن.
