افغانستان ملی خوفسیزلیک کینگشی مصلحتچیسی حمدالله محب، شرقی ولایتلرگه بولگن سفری دوامیده بوگون «سهشنبه، 31- سرطان» امنیتی و حکومتدارلیک وضعیتلرینی تیکشیریش اوچون کنر ولایتی گه باریب و پاکستان حربیلری تامانیدن آتیلگن موشکلر نتیجهسیده قربان بولگنلرنینگ عایلهلری بیلن اوچرهشگن.
جناب محب نینگ ایتیشیچه، دشمن طالبان و باشقه تروریستی گروهلرنینگ همکارلیگی ده دیورند چیگرهسیده پایگاه و بنا قوریش اوچون حرکت قیلهدی.
ملی خوفسیزلیک کینگشی مصلحتچیسی کنر محلی رسمیلری و راکتی هجوم قربانلری نینگ عایلهلری بیلن اوتکزگن ییغینده ایتیشیچه، افغانستان بوندن کیین دشمن و باشقه تروریستی گروهلرگه راکتی هجوم قیلیش و چیگره ده پایگاه قوریش گه رخصت بیرمهیدی.
حمدالله محب طالبان گروهی دن بیگانهلرنینگ ایستهگی بیلن اوز مردملرینی اولدیرمسلرینی ایستهدی.
شونینگدیک، ملی خوفسیزلیک کینگشی مصلحتچیسی کنر ولایتی نینگ یشاوچیلری، حربی و ملکی رسمیلر بیلن اوچرهشیش گه قرار قیلگن.
جناب محب اوتگن کون کیچ قورون ننگرهار ولایتی گه باریب و او ییرده حربی و ملکی رسمیلر و شونینگدیک، مذکور ولایت نینگ یشاوچیلری بیلن ایری شکلده اوچرهشگن.
ننگرهارده جناب محب نینگ ایتیشیچه، طالبان بیلن تینچلیک قیلیشنی ایستهیدیلر، بیراق چیتایللیکلرگه طالبان نینگ آدرسیدن فایدهلنیب و اوروش دوامی اوچون افغانستان توپراغی گه هجوم قیلیش گه رخصت بیریلمهیدی.
ملی خوفسیزلیک کینگشی مصلحتچیسی، اهالی دن توزوم دن حمایت قیلیشلری و شونینگدیک، دین عالملریدن مسجد و منبر آرقهلی تروریستی هجوملرنی حرام اعلان قیلیشلرینی طلب قیلدی.
