بدخشان ولایتینینگ سرپرستی شاهولیالله ادیب سلاموطندار بیلن تلیفونی صحبت اوتکزیب، امنیتی کوچلرنینگ بیرکیچه و کوندوز قورشاویده قالگن یوز قوراللی طالبنینگ قاچیب کیتگنیدن خبر بیرگن. قوراللی طالبلر بدخشاننینگ جرم تومنی اسکان منطقهسیده امنیتی کوچلر قمراویده قالگن ایکن.
امنیتی رسمیلرنینگ ایتیشیچه، مذکور یوز طالبنینگ قنقه شکلده چاقیب چیقگنی بیللی ایمس دیر.
بیراق، گمانلرگه کوره، حکومت ایچیدهگی طالبان گروهیگه همکار کیشیلر طالبلرگه همکارلیک قیلیب و اولر اوچون یول آچگن.
بدخشان ولایتی سرپرستینینگ ایتیشیچه، عصیانچیلر بدخشان ولایتینینگ وردوج تومنی شامل بهارک، راغستان، تگاب، کشم و شهدا تومنلری ایریم قسمتلریده حاکم بولگن و شونینگدیک ایسلنگن منطقهلرده توقنهشوو دوام ایتماقده.
قندوزده اوروش وضعیتی
قندوزدن کیلگن گزارشلرگه کوره، طالبلر حاضرگچه شهر ایچیده موجود بولیب و شهر کوچهلریده اوروش جدی شکلده دوام ایتماقده.
خلق منبعلریدن نقل بولیشیچه، طالبلر تخارستان مکتبیدن مرکزی کسلخانه و کابل بندریگچه خط تارتگن. بیراق قندوز پولیس قومندانلیگی بیر خبرنامه ترقهتیب ایتیشیچه، قندوز شهری بوتونلهی امنیتی کوچلر نظارتیگه اوتکن و تیزلیکده خلق عادی تیریکچیلیگیگه قیتهدی.
