هرات سوداگرلری، اوشبو ولایت بوییچه استندرد ادارهسیده فساد بولگنی سبب، اعتراض بیلدیریب و مذکور اداره دروازهسینی باغلهگنلر.
هرات سوداگرلری نینگ اوشبو ولایت بوییچه استندرد ادارهسی مسووللرینی فساد و باجآلیشگه عیبلب ایتیشیچه، مذکور اداره مسووللری وارد بولهدیگن هر بیر موتر تواردن 500 دالر باج ایستهیدیلر.
هرات ولایتی بوییچه صناعت و سوداگرلیک اتاقی باشلیغی یونس قاضیزاده نینگ ایتیشیچه، وارد بولهدیگن ساختمانی توارلر منطقه مملکتلری نینگ معیارلری بیلن برابر، بیراق اوشبو ولایت استندرد ادارهسی هر بیر موتر تواردن 100 دن باشلب 500 دالر باج آلهدی.
اونینگ کوپهیتیریشیچه، سوداگرلر مذکور پولنی استندرد ادارهسی مسووللریگه بیرمهگن صورتده، توارلریگه وارد بولیش اوچون رخصت بیریلمهیدی.
جناب قاضیزاده گه کوره، کونده 250 موتر ساختمانی مواد اسلامقلعه چیگرهسیدن مملکتگه کیرهدی و سوداگرلر هر بیر موترگه 100 دن باشلب 500 دالر باجبیریشگه مجبور دیرلر.
سوداگرلرنینگ ایتیشیچه، استندرد ادارهسی مسووللری نینگ رشوه و باج آلیشلری توخته تیلمهگن صورتده، اعتراضلریگه دوام بیرهدیلر.
بیراق، هرات ولایتی بوییچه استندرد آمریتی نینگ سرپرستی خیبر مثمر اوشبو اداره ده فساد بولگنینی رد قیلهدی.
